"მიშ, გაუძელი! არ დაიხიო, არ დანებდე!" - გივი თარგამაძე

ოპოზიციონერი პოლიტიკოსი გივი თარგამაძე, სოციალურ ქსელში მიხეილ სააკაშვილთან ერთად გადაღებულ ფოტოს ავრცელებს.

იგი ექსპრეზიდენტს მოუწოდებს, რომ გაუძლოს და სიკვდილთან უკან არ დაიხიოს. 

"მიშ, გაუძელი!

არ დაიხიო, არ დანებდე!

აი ეს მომენტია, რაღაც აგვიფეთქეს ოფისთან - არ დავიხიეთ, მივაწექით, მერეც არსად დავიხიეთ, ყველგან მივაწექით და გავიმარჯვეთ.

ქოცებთან და მაგათ მთავარ საძაგლობასთან შენ უკვე არ დაიხიე, უკვე გაიმარჯვე.

სიკვდილთანაც არ უნდა დაიხიო.

მანდ მოსულა ჭიდაობა, ჩემი პირადი გამოცდილებით ვიცი.

სიკვდილიც კი არაა ქოცი - აუხსენი, რომ უკვდავებას არ აპირებ, მაგრამ არც ახლა აპირებ სიკვდილს - გაგიგებს და გაგეშვება.

უნდა გაუძლო!

გაუძლებ!", - წერს გივი თარგამაძე.

დღეს საღამოს საქართველოს ყოფილი პრეზიდენტის მიხეილ სააკაშვილის ადვოკატმა ბექა ბასილაიამ განაცხადა, რომ, ადვოკატებთან შეხვედრის შემდეგ სააკაშვილი წაიქცა, რომელიც მისი თქმით საკაცეზე დააწვინეს და წაიყვანეს.

აღნიშნული განცხადებიდან მალევე პენიტენციურმა სამსახურმა გაავრცელა განცხადება, რომელშიც აღნიშნული იყო, რომ პატიმარ მიხეილ სააკაშვილის ჯანმრთელობის მდგომარეობა ამჟამად სტაბილურია.

ცნობისთვის, სახალხო დამცველის ექიმთა ჯგუფმა გუშინ დასკვნა გამოქვეყნდა, სადაც აღნიშნულია, რომ სააკაშვილივით კრიტიკული პაციენტის მართვის პირობებს მე-18 დაწესებულების კლინიკა არ აკმაყოფილებს.

უახლესი ცნობით, რესპუბლიკური კლინიკის ექიმი-რეანიმატოლოგი გულიკო ქილიფთარი აცხადებს, რომ ექსპრეზიდენტის მდგომარეობა უკვე დამაკმაყოფილებელია. მისი თქმით, სააკაშვილი დარჩება რეანიმაციულ განყოფილებაში, სადაც მუდმივი დაკვირვების ქვეშ იქნება.

ასევე დაგაინტერესებთ:

🔲 "როცა გავიგე, რომ ჩემი ძმის მკვლელიც მოკლეს - წამით გავიყინე, მაგრამ არანაირი სიმშვიდის განცდა ეს არ ყოფილა" - ფეისბუკმომხმარებელი ექსპრეზიდენტის შიმშილობაზე