"მოლარეები რეგულაციების დაცვაში გვეხმარებოდნენ" - ზუგდიდის ბოტანიკური ბაღის დირექტორი

ზუგდიდის ბოტანიკური ბაღის დირექტორის, ზვიად ქარჩავას განცხადებით, მოლარეებს რომლებსაც კონტრაქტი უკვე გაფორმებული ჰქონდათ, ფუნქციები შეეცვალათ, რადგან  კორონავირუსის გამო, ბოტანიკურ ბაღში შესვლა უფასო გახდა.

ამის შესახებ მან "მთავარ არხთან" სატელეფონო საუბარში განაცხადა.

"ბოტანიკური ბაღის რეაბილიტაცია დასრულდა 2019 წელს, 2020-ში დაიწყო ოპერირება, პირველი ორი თვე იყო უფასო, რომ ყველას მისცემოდა შესაძლებლობა, რომ ენახა ბოტანიკური ბაღი, ხოლო თებერვალში, ზუსტად არ მახსოვს თარიღი, ფასიანი გახდა.

პანდემიის გამო ქვეყანაში გამოცხადდა ლოკდაუნი, მიიღეს გადაწყვეტილება, რომ ბოტანიკურ ბაღში შესვლა ყოფილიყო თავისუფალი და ყველას მისცემოდა ისევ შესაძლებლობა ესარგებლა ამ სივრცით.

თუმცა იყო კოვიდრეგულაციები, რადგან კონტრაქტი ჰქონდათ ამ ადამიანებს, ჩვენ დამატებით მივანიჭეთ ეს ფუნქციები, რომ რეგულაციების დაცვაში დაგვხმარებოდა",- ამბობს ზვიად ქარჩავა.

სახელმწიფო აუდიტის სამსახურმა ზუგდიდის მუნიციპალიტეტის 2019-2020 წლების საქმიანობის შესაბამისობის აუდიტის შედეგები 14 იანვარს გამოაქვეყნა, სადაც აღნიშნულია, რომ 2020 წელს ზუგდიდის ბოტანიკური ბაღის მართვის ცენტრში 6 მოლარე-კონსულტანტი იყო დასაქმებული, თუმცა ბაღში შესვლა უფასოა. 

ამავე თემაზე:

🔳 ზუგდიდის ბოტანიკურში 6 მოლარე იყო დასაქმებული, თუმცა ბაღში შესვლა უფასოა - აუდიტი