"მწერლებთან დატაკება არც ერთ ხელისუფლებას არ უმთავრდება კარგად" - მწერლებმა ტორესა მოსის მხარდასაჭერი აქცია გამართეს

"გირჩი - მეტი თავისუფლების" წევრის მწერლისა და წამყვანის, ტორესა მოსის მხარდასაჭერად აქცია გაიმართა. აქციის შესახებ ღონისძიება ფეისბუკზე დაიგეგმა.

მწერალთა სახლთან მწერლები და გამომცემლები შეიკრიბნენ, მისი დაპატიმრება გააპროტესტეს და დაუყოვნებლივ გათავისუფლება მოითხოვეს. 

მათი განცხადებით, ტორესა მოსი  უსამართლოდ დააკავეს.

მათი განცხადებით, იგი აბსოლუტურად მშვიდობიანად და არააგრესიულად ცდილობდა კონსტიტუციური უფლებების რეალიზებას და დაცვას.

მწერალ ზვიად კვარაცხელიას განცხადებით, მწერლებთან დატაკება არც ერთ ხელისუფლებას არ უმთავრდება კარგად.

"ვერ ისწავლეს ამათ ჭკუა, რომ მწერლებთან დატაკება არც ერთ ხელისუფლებას არ უმთავრდება კარგად. არც ერთს. გავიგეთ, რომ ყელში გყავართ ამოსული და მიზანში ამოგვიღეთ, მაგრამ ჩვენ, მიხეილ ჯავახიშვილის ცნობილი ფრაზისა არ იყოს ჩეკისტების მიმართ, – კალმის წვერზე გვიზიხართ! სოლიდარობა ტორესა მოსის!", - აცხადებს ზვიად კვარაცხელია.

ტორესა მოსი 12 ნოემბერს დააკავეს, როცა "გირჩი - მეტი თავისუფლების" წევრებმა 6 სხვადასხვა ქალაქში სახელმწიფო უსაფრთხოების სამსახურის შენობებთან აქციები გამართეს და მანქანებით შესასვლელი ჩახერგეს. 

ამავე თემაზე:

🔴 მწერალი ტორესა მოსი პატიმრობაში რჩება, შუამდგომლობა არ დაკმაყოფილდა

🔴 "გირჩი - მეტი თავისუფლებისთვის" აქცია სუსთან - ზურაბ ჯაფარიძეს ტერიტორია ევაკუატორის საშუალებით დაატოვებინეს

🔴  ზურაბ გირჩი ჯაფარიძე სუსთან სავალი ნაწილის გადაკეტვისთვის 200 ლარით დააჯარიმეს