NCDC: ჩვენი საყვარელი ადამიანების სიცოცხლის დასაცავად წელს, როგორც არასდროს, საჭიროა, მეტი სიფრთხილე გამოვიჩინოთ

დაავადებათა კონტროლისა და საზოგადოებრივი ჯანმრთელობის დაცვის ეროვნული ცენტრი (NCDC) ახალი წლის დღესასწაულთან დაკავშირებით განცხადებას ავრცელებს და საზოგადოებას სიფრთხილისკენ მოუწოდებს.

"ახალი წელი არის დღესასწაული, როდესაც ყველა ჩვენი საყვარელი ადამიანი ერთად ვიკრიბებით და ერთმანეთს სიხარულსა და დადებით ემოციებს ვუზიარებთ.

ჩვენს ქვეყანაში შობა-ახალი წლის აღნიშვნას განსაკუთრებული ტრადიცია აქვს.

ჩვენი საყვარელი ადამიანების სიცოცხლის დასაცავად წელს, როგორც არასდროს, საჭიროა, მეტი სიფრთხილე გამოვიჩინოთ.

როდესაც ქვეყანაში Covid-19-ის შემთხვევების რაოდენობა და ახალი შტამი მოდუნების საშუალებას არ გვაძლევს, აუცილებელია, დავიცვათ ყველა ის რჩევა, რომელსაც ჯანდაცვის სპეციალისტები გვიზიარებენ:

📍 მობილობა ზრდის COVID-19-ით ინფიცირების და გავრცელების რისკს. შესაბამისად, სასურველია სადღესასწაულო დღეებში მაქსიმალურად შეამციროთ გადაადგილება და სოციალური აქტივობა.

📍სადღესასწაულო უქმეების დროს მოერიდეთ ფართომასშტაბიან სოციალურ ღონისძიებებს.

📍ერთმანეთთან დაიცავით სულ მცირე 1 მეტრის დისტანცია.

📍ატარეთ პირბადე და დაიცავით ხელის ჰიგიენა.

📍შეამცირეთ დახურულ შენობაში გატარებული დრო და ხშირად გაანიავეთ საერთო სივრცე.

📍არ გადადოთ ვაქცინაცია.

📍ორჯერ აცრის შემთხვევაში კი გახსოვდეთ, ბუსტერ დოზის აუცილებლობა.

გილოცავთ ბედობას, გისურვებთ ჯანმრთელობასა და პანდემიაზე მალე გამარჯვებას!" – აღნიშნულია NCDC-ის მიერ გავრცელებულ განცხადებაში.

სხვა სიახლეები:

📍დეკანოზი ილია ჭიღლაძე: ცუდი არ იქნებოდა, შემენარჩუნებინა საყვარელი საქმიანობა - საყვარელ სკოლაში და ის საცოდავი 500 თუ 400 ლარიანი ხელფასიც

📍ინტენსიური თოვის გამო საქართველოს გზების რამდენიმე მონკვეთზე შეზღუდვები მოქმედებს - გზების დეპარტამენტი მოსახლეობას აფრთხილებს