ნიკა გვარამია აზარტულ თამაშებთან დაკავშირებული აკრძალვების წინააღმდეგ

მთავარი არხის დირექტორმა ნიკა გვარამიამ პარლამენტის 5 კომიტეტის გაერთიანებულ სხდომაზე, სადაც დეპუტატები აზარტულ თამაშებთან დაკავშირებით კანონმდებლობის გამკაცრების საკითხს განიხილავენ განაცხადა, რომ დომინოს პრინციპით მივალთ არხების, პრაქტიკულად, დახურვამდე, ან გამოშიგვნამდე იმ კონტენტისგან, რომელსაც გასართობი კონტენტი ჰქვია სადაც დეპუტატები აზარტულ თამაშებთან დაკავშირებით კანონმდებლობის გამკაცრების საკითხს განიხილავენ.

“შესაბამისად, დარჩებიან ის არხები, ვისაც ჰყავთ დამფინანსებლები, ასეთები არიან სამთავრობო არხები ძირითადად. „იმედი“ უმძიმეს ზარალზე წავა, რადგან ყველაზე მეტი შემოსავალი მას აქვს, თუმცა, იარსებებს მაინც, რადგან მისი დაფინანსება პროპორციულად გაიზრდება. იგივე მოხდება რუსთავი 2-თან დაკავშირებითაც, ეს ზარალიანი ტელეკომპანიაა, მაგრამ მაინც მუშაობს. ჩვენ რა ვქნათ? ყველა ტელეკომპანიისთვის შეუძლებელს ხდით აწ და მარადის მან დამფუძნებლის დაფინანსების გარეშე იარსებობს. და ეს იცით რას ნიშნავს? მისი სარედაქციო პოლიტიკის კიდევ უფრო გადალაგებასა და გადაწყობას დამფუძნებელზე. ეს ტელევიზიისთვის ძალიან მძიმე რამაა.

არსებობენ დამფუძნებლები, რომლებიც არ მოითხოვენ სარედაქციო პოლიტიკაში ჩარევას. არსებობენ, რომლებიც მოითხოვენ. არსებობენ დირექტორები, რომლებიც ამას ეფექტურად უწევენ წინააღმდეგობას, არსებობენ, რომლებიც ვერ უწევენ წინააღმდეგობას. თქვენ თუ იქამდე მიიყვანეთ საქმე, რომ წინააღმდეგობის გაწევა აზრს დაკარგავს და შესაბამისად, ჩვენი შემოსავლებით ნულოვანი შანსი გვექნება რომ „ნული ნულში“ მაინც გავიდეთ დაფინანსებით ან მცირე ინვესტიციები დაგვჭირდეს, ამით თეორიულადაც კი სპობთ სარედაქციო დამოუკიდებლობის პრინციპს. თქვენ მიიღებთ გაკოტრებულ ოპოზიციურ ტელევიზიებს და მიიღებთ თქვენი კანონმდებლობის გამო. ბაზარს დაანგრევთ ისე, რომ ოპოზიციური ტელევიზიები უბრალოდ ვერ შეძლებენ მაუწყებლობას, გადაიქცევიან ჯერ ნიუსვიზიებად, მხოლოდ ახალი ამბები ექნებათ, შემდეგ დაკარგავენ შესაბამისად რეიტინგს და ისევ შესაბამისად, კიდევ უფრო მეტად შეუმცირდებათ სარეკლამო შემოსავლები, დაიხურებიან. ამას ამ კანონის სახელი დაერქმევა და ეს კანონი საპარლამენტო უმრავლესობაა”,-აცხადებს, გვარამია.

შეგახსენებთ, აზარტული თამაშობის, ტოტალიზატორის, ლოტოს, ბინგოს და მათი ორგანიზატორების შესახებ რეკლამის გავრცელება შეიზღუდება. აკრძალვები შემოდის სატელევიზიო რეკლამის ნაწილში. ამ მიმართულებით ცვლილებები ორ კანონში შედის.

ასევე დაგაინტერესებთ:

🔵53 გარდაცვლილი და კორონავირუსით ინფიცირების 3278 ახალი შემთხვევა საქართველოში

🔵„ომიკრონ“ შტამი მსოფლიოს 76 ქვეყანაშია დადასტურებული-შემთხვევების რაოდენობა 111%-ით გაიზარდა - ჯანმო

🔵დაკავებულია ქურდული სამყაროს წარმომადგენლები - სპეცოპერაციების სერია თბილისში