"ომიკრონი" საქართველოში, სავარაუდოდ დეკემბერში შემოვა - ივანე ჩხაიძე

იმუნიზაციის ტექნიკურ მრჩეველთა ეროვნული ჯგუფის ხელმძღვანელის, ივანე ჩხაიძის განცხადებით, კორონავირუსის ომიკრონ შტამი საქართველოში, სავარაუდოდ, დეკემბერში გამოჩნდება.

მისივე თქმით, ძალიან მოკლე პერიოდის განმავლობაში პრაქტიკულად არ დარჩა კონტინენტი, სადაც აღნიშნული შტამი არ შესულა.

“ზოგადად ბევრი ქვეყნის გადაწყვეტილება, რომ ჩაკეტეს საჰაერო საზღვრები პირველ რიგში სამხრეთ აფრიკის იმ 6 ქვეყანასთან, რომლებშიც დაფიქსირდა, ერთადერთი რა შედეგიც შეიძლება მოიტანოს, ესაა 1-2 კვირით გადაავადოს ამ ვირუსის შეღწევა ნებისმიერ ქვეყანაში. ასევე ჩვენც ჩავკეტეთ საზღვრები. 24 ნოემბერს 6 ქვეყანაში იყო ომიკრონი, დღეს არის 66 ქვეყანაში. ძალიან მოკლე პერიოდის განმავლობაში პრაქტიკულად არ დარჩა კონტინენტი, სადაც ომიკრონი არ შესულა. საქართველოში სავარაუდოდ, დეკემბერში შემოვა. ჩვენ ინტენსიური მიმოსვლა გვაქვს ევროპის ბევრ ქვეყანასთან, ასე რომ ამ მხრივ ქვეყნის საზღვრების დაცვა შეუძლებელია. ეს არის სრული ილუზია, რომ თუნდაც სამხრეთ აფრიკის მოქალაქეების ქვეყანაში არ შემოშვებამ, რამე ღირებული შეცვალოს. შეიძლება გადაავადოს, მაგრამ, სავარაუდოდ, დეკემბერში ომიკრონი საქართველოში გამოჩნდება”, – განაცხადა ჩხაიძემ „ქრონიკასთან“ საუბარში.

ცნობისთვის, სამხრეთ აფრიკაში, მეცნიერებმა კორონავირუსის ახალი შტამის, ომიკრონის აღმოჩენის შესახებ განაცხადეს. ჯანდაცვის მსოფლიო ორგანიზაციაში აცხადებენ, რომ ვირუსის ახალ ვარიანტს  შემაშფოთებელი მუტაცია აქვს.

ასევე დაგაინტერესებთ:

🔵საქართველოში ბოლო 24 საათში კორონავირუსით 36 პაციენტი გარდაიცვალა

🔵რატომ არის მნიშვნელოვანი თმის სიგრძე და რა კავშირი აქვს თმას ადამიანის ენერგეტიკასთან?

🔵ამერიკაში საგანგებო მდგომარეობა გამოცხადდა - დაღუპულია 6 ადამიანი