პატიმარი რომ ციხეში გადაიყვანეს, ამაში რა არის განსაკუთრებული და უცნაური? - ალეკო ელისაშვილი

პარლამენტის წევრი, ალეკო ელისაშვილის აზრით, იმაში, რომ პატიმარს ციხეში განსაკუთრებული არაფერია. როგორც ალეკო ელისაშვილმა აღნიშნა, მიხეილ სააკაშვილი თუ ისევ შიმშილობას დაიწყებს უხერხული იქნება.

„პატიმარი რომ ციხეში გადაიყვანეს, ამაში რა არის განსაკუთრებული და უცნაური? აღშფოთებული ვიყავი, როცა მიხეილ სააკაშვილი შიმშილობდა და იქ არ გადაყავდათ, სადაც უნდა გადაეყვანათ, მაგრამ ახლა პატიმარს რომ ციხეში აბრუნებენ, ამაში განსაკუთრებული რა არის, არ ვიცი, ჩვეულებრივი ამბავია. ამაში განადგურების მცდელობას ვერ ვხედავ, პატიმარი გადაიყვანეს ციხეში, რომელმაც იმკურნალა და არ არის მძიმე მდგომარეობაში, თუმცა ესეც ვერ გავიგე, ზოგი ექიმი ამბობდა ამას, ზოგი – არა. სასამართლო პროცესზე რაც ვნახეთ, განადგურების არაფერი ეტყობოდა, ჯანმრთელად იყო. წავიდეს სტრასბურგში, გაიმართლოს თავი, გამოვიდეს ციხიდან. ახლა სააკაშვილმა შიმშილობა რომ დაიწყოს, რასთან დაკავშირებით იწყებს – ციხიდან გამომიშვითო? ეს გაუგებარია. ისევ თუ შიმშილობას დაიწყებს, ძალიან უხერხული იქნება. რატომ უნდა იშიმშილოს? მაშინ, ყველა პატიმარი იშიმშილებს ციხიდან გამომიშვითო“, – აცხადებს ელისაშვილი.

ასევე დაგაინტერე­­­­სებთ:

🔵სააკაშვილი არანაირი იდეა, მესია და დავით აღმაშენებელი არ არის - თამარ ჩერგოლეიშვილი

🔵ეს არ იყო მოულოდნელი გადაწყვეტილება - სერგეენკო სააკაშვილის საპატიმროში გადაყვანაზე

🔵მიხეილ სააკაშვილი რუსთავის მე-12 სასჯელაღსრულების დაწესებულებაში გადაიყვანეს