"რამდენი პოსტი ვარდება, წავედი ემიგრაციაშიო, პოლონეთში, ესტონეთში, მოლდოვაში... როგორი გულდასაწყვეტია" - ირაკლი ლატარია

ანალიტიკოსი, ირაკლი ლატარია სოციალურ ქსელში, საქართველოდან ემიგრაციაში ქვეყანაში არსებული  იძულებით წასულ მოქალაქეებზე ემოციურ პოსტს აქვეყნებს.

"რამდენი პოსტი ვარდება, წავედი ემიგრაციაშიო, პოლონეთში, ესტონეთში, მოლდოვაში და ა.შ

როგორ გული მწყდება, რა გახდა ეს ქვეყანა, სულ რაღაც 3 მილიონი ადამიანი ვართ და რით ვერ ავაწყვეთ ცხოვრება ისე, რომ ჩვენზე ბევრად ნაკლები პოტენციალის მქონე ქვეყნებში არ გარბოდნენ ჩვენი მოქალაქეები?

უამრავი მილიონერი, მილიარდერი გვყავს და 99 % ცდილობს საზღვარგარეთ დაბანდოს თავისი ქონება და იქ ააწყოს ცხოვრება.

ივანიშვილის გარდა, მე პირადად არ ვიცი არავინ ქართველი უმდიდრესი ადამიანი, რომელიც თუნდაც თავის რეგიონს მაინც ააყვავებდეს.

3 მილიონი კაცის სტაბილურად შემოსავალზე დასმას რა უნდა, აი რააა? ჩვენშია ყველაში ალბათ პრობლემა, როდესაც ვინმეს სადმე ნიშნავენ (10-დან 7) საკუთარი თავის გარდა არაფერზე ფიქრობს, არადა ეგ ადამიანები ხომ ჩვენს გვერდით ცხოვრობენ?

ყველამ, რომ თავისი კონკრეტული საქმე აკეთოს ზედმიწევნით ერთგულებითა და პატიოსნებით, საქართველოში არ იქნება გაჭირვებული ოჯახი.

ყველა რეგიონში შევიყვანოთ თითო ინვესტორი უდიდესი საწარმოების აშენების ვალდებულებით და მხოლოდ ქართველების დასაქმებით, სახელმწიფომ კი გაათავისუფლოს იგი რამდენიმე წლით რომელიმე გადასახადისგან, მისცეს შეღავათები და ა.შ.. ძალიან მარტივად ვწერ ახლა, თორემ ბევრად მეტი მაქვს ნაფიქრელიც და დაწერილიც, მაგრამ  

ერთმანეთის ჭამაში რა ენერგიასაც ვხარჯავთ, ეს რომ ერთმანეთისთვის რაიმეს კეთებაში დავხარჯოთ ჩვენ ერი / ბერი ვერ გვაჯობებს.

როგორი გულდასაწყვეტია, როდესაც შენი თანამოქალაქე მიდის ისეთ ქვეყანაში, რომელზეც მინიმუმ ორჯერ უკეთესადაც უნდა ვცხოვრობდეთ რომ მოგვენდომებინა!!!", - წერს ლატარია.

სხვა სიახლეები:

🔲 სახლში სერიოზული კონფლიქტი იყო - რას ჰყვება ზაზა ფაჩულია მშობლებზე? (ვიდეო)

🔲 ღამის კლუბები: მივმართავთ ყველა შესაძლო ზომას, რომ შევძლოთ კლუბების უსაფრთხო გახსნა და ჩვენი საყვარელი სივრცეების გადარჩენა