რატი იონათამიშვილი: ყველაზე მეტად რაც ვნებს ევროკავშირს, ეს არის ორმაგი სტანდარტი - სამწუხაროდ, ორმაგი სტანდარტი ევროპული სტრუქტურების სავიზიტო ბარათად იქცა

ორმაგი სტანდარტის მორიგი გამოვლინება - ასე აფასებს ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე რატი იონათამიშვილი ევროპარლამენტის რეზოლუციას, რომელიც სიძულვილის ენის გავრცელებას გმობს, მათ შორის ძირითად მედიასა და სოციალურ მედიაში.

„ყველაზე მეტად რაც ვნებს ევროკავშირს, ეს არის ორმაგი სტანდარტი. სამწუხაროდ, ევროპული სტრუქტურების სავიზიტო ბარათად იქცა ორმაგი სტანდარტი და სიძულვილის ენასთან დაკავშირებული განცხადებებიც სწორედ ამას გვაჩვენებს. ისინი ცდილობენ საქართველოში წაახალისონ, დაასპონსორონ და გაავრცელონ სიძულვილის ენა, ხოლო საკუთარ ქვეყნებში ამას დემოკრატიის საფრთხედ აღიქვამენ. ისინი საქართველოს არ უყურებენ როგორც სრულფასოვან ქვეყანას, მათ როგორც ჩანს საქართველო დაბალი ღობე ჰგონიათ და ამიტომაც არის, რომ ეს ადამიანები და მათ მიერ წახალისებული რადიკალური ოპოზიცია ყოველთვის მარცხდებოდა და დამარცხდება ჩვენს ქვეყანაში“, - აღნიშნა რატი იონათამიშვილმა.

ევროპარლამენტი განცხადებას ავრცელებს, სადაც აღნიშნულია, რომ სიძულვილის ენა სერიოზულ საფრთხეს უქმნის დემოკრატიასა და კანონის უზენაესობას - ევროპარლამენტმა კიდევ ერთხელ მოითხოვა სიძულვილით მოტივირებული დანაშაულებისა და სიძულვილის ენის კრიმინალიზება ევროკავშირის დონეზე