სააკაშვილის მორიგი სასამართლო პროცესი დღეს გაიმართება

თბილისის საქალაქო სასამართლოში დღეს საქართველოს მესამე პრეზიდენტის პროცესი გაიმართება. საქმე საზღვრის უკანონო კვეთას ეხება. სხდომას, რომელიც 13:00 საათზეა ჩანიშნული  თავად მიხეილ სააკაშვილიც დაესწრება.

მიხეილ სააკაშვილმა, გუშინ ციხიდან დააანონსა, რომ ხალხთან სალაპარაკო აქვს.

"დღეს გაიმართება სასამართლო სხდომა მიხეილ სააკაშვილის მიმართ წარდგენილ კიდევ ერთ პოლიტიკურად მოტივირებულ ბრალდების საქმეზე. ამ სასამართლო სხდომას თავად მიხეილ სააკაშვილი სავარაუდოდ, დაესწრება. ჩვენ ვნახეთ სახელმწიფო ინსპექტორის სამსახურის ადეკვატური რეაგირება, რომელმაც კანონისადმი მორჩილება აირჩია ბიძინა ივანიშვილისადმი უკანონო დავალებებისადმი მორჩილებას. ბიძინა ივანიშვილი არ შეეგუება არცერთ სახელმწიფო ინსტიტუტის არსებობას და არცერთ მოხელეს არ აპატიებს მისი ერთგულების ნაცვლად კანონისადმი და საქართველოს კონსტიტუციისადმი ერთგულებას, - თქვა მიხეილ სააკაშვილის ადვოკატმა, დიმიტრი საძაგლიშვილმა. 
მიხეილ სააკაშვილის მიერ საზღვრის უკანონო კვეთის ფაქტთან დაკავშირებით გამოძიება პირველ ოქტომბერს დაიწყო. აღნიშნული საქმის ფარგლებში ბრალდება კიდევ 4 პირს - ელგუჯა ცომაიას, ზურაბ და შალვა წოწორიებსა და გიორგი ნარიმანიძეს აქვთ წაყენებული და ის ცალკე წარმოებად მიმდინარეობს.

ასევე დაგაინტერე­­­­სებთ:

🔵ბოლო 24 საათში გარდაიცვალა 48 და გამოვლინდა კორონავირუსის 5 326 ახალი შემთხვევა - 13 იანვრის სტატისტიკა

🔵ამოღებულია ცეცხლსასროლი იარაღი - დაკავებულია სამი პირი

🔵თოვის, ქარბუქისა და ცუდი ხილვადობის გამო, გზებზე შეზღუდვები დაწესდა