სააკაშვილისთვის, 27 დეკემბერს არის დასმული ახალი დიაგნოზი, რომელსაც ამ ეტაპისთვის არ გავახმაურებთ - სახალხო დამცველის წარმომადგენელი

სახალხო დამცველის წარმომადგენელი აცხადებს, რომ 27 დეკემბერს მიხეილ სააკაშვილს დაუსვეს ახალი დიაგნოზი, რომელსაც ამ ეტაპისთვის არ გაახმაურებენ.  საბა ბრაჭველის ინფორმაციით, მიხეილ სააკაშვილი თავს კვლავ შეუძლოდ გრძნობს და დამატებით სპეციალისტებთან შეხვედრას ითხოვს.

„შევხვდი როგორც მკურნალ ექიმ ნევროლოგს, ისე ადმინისტრაციის წარმომადგენლებს და თავად პაციენტსაც. როგორც გავიგეთ, 27 დეკემბერს არის დასმული ახალი დიაგნოზი, რომელსაც ამ ეტაპისთვის არ გავახმაურებთ. თავად ამბობს პაციენტი, რომ მას ჰქონდა სამი ჰიპერტენზიული კრიზი, ამჟამად ის თავს კვლავ არ გრძნობს კარგად და ითხოვს დამატებით სპეციალისტებთან შეხვედრას, მათ შორის – ნევროლოგთან, თუმცა, მკურნალი ნევროლოგი ამბობს, რომ ამ დროისთვის დინამიკა არის დადებითი. დღეს, სამწუხაროდ, არ მოგვეცა სამედიცინო დოკუმენტაციის გაცნობის შესაძლებლობა იმ მიზეზით, რომ ექვსი საათის შემდგომ შეუძლებელი იყო ფორმა 100-ის ნახვა. ამის გათვალისწინებით, მნიშვნელოვანი იყო, რომ გუშინ სახალხო დამცველის კონსილიუმში მყოფი ნევროლოგი, რომელიც იყო ჩემთან ერთად, არ მეიცა საშუალება, შესულიყო და გასაუბრებოდა პაციენტს და გაცნობოდა დოკუმენტაციას.

მიხეილ სააკაშვილის ახალი მკურნალი ექიმი ამ მომენტისთვის არ არის დანიშნული. როგორც განგვიმარტეს, ამჟამად სხვადასხვა პროფილის ექიმები ერთობლივად იღებენ გადაწყვეტილებას მკურნალობის სტრატეგიის დაგეგმვასთან დაკავშირებით“, – განაცხადა საბა ბრაჭველმა.

ასევე დაგაინტერე­­­­სებთ:

🔵ეს არ იყო მოულოდნელი გადაწყვეტილება - სერგეენკო სააკაშვილის საპატიმროში გადაყვანაზე

🔵VIDEO:"შოკი იყო... ზედიზედ სამჯერ მოვისმინეთ და მაინც არ მჯეროდა... მერე დაიწყო ჩემთვის ძალიან რთული პერიოდი" - სანდრა რულოვსი სააკაშვილ-იასკოს სასიყვარულო ურთიერთობაზე

🔵VIDEO: პოლიტიკაში, ალბათ, არასდროს შევალ - ნიკოლოზ სააკაშვილი