საგარეჯოში დაჭრილი 24 წლის კაცის, გიორგი კიკნაძის მდგომარეობა კვლავ მძიმეა

საგარეჯოში სროლის შედეგად დაჭრილი 24 წლის ახალგაზრდა კაცის, გიორგი კიკნაძის მდგომარეობა კვლავ მძიმეა. "ჯეო ჰოსპიტალსის" დირექტორის, მამუკა ოთიაშვილის თქმით, მიყენებული დაზიანებების გამო, მდგომარეობის გართულების რისკი მაღალია, თუმცა დინამიკა დადებითია.

დანარჩენი 4 დაჭრილის მდგომარეობა სტაბილურია. დღეს კლინიკას კიდევ ერთი მათგანი დატოვებს.

"გიორგი კიკნაძე განაგრძობს რეანიმაციულ განყოფილებაში მკურნალობას. მართვით სუნთქვაზეა. ამ ეტაპისთვის რჩება მძიმე მდგომარეობაში."- ამბობს ოთიაშვილი.

გუშინ თავდასხმისას დაღუპულები დაკრძალეს.

საპატიო წესით დაკრძალეს სამსახურებრივი მოვალეობის შესრულების დროს მოკლული პოლიციელი, ოთარ ღვინაშვილი. დაკრძალვას შინაგან საქმეთა მინისტრი, ვახტანგ გომელაური დაესწრო.

ცნობისთვის, საგარეჯოში ყოფილმა სამხედრომ, ნოდარ ათუაშვილმა საცხოვრებელი კორპუსის აივნიდან მოქალაქეებს ცეცხლი გაუხსნა. დაიღუპა 5 ადამიანი, მათ შორის 1 პოლიციელი, ასევე დაჭრილია 5 ადამიანი.

თავდამსხმელმა თავი მოიკლა.

თავდასხმის დაწყებისას, სახლში იმყოფებოდა ათუაშვილის შვილიც, რომელმაც ცეცხლის გახსნის შემდეგ სახლი დატოვა.

ყოფილი სამხედრო ნოდარ ათუაშვილი 2006 წლიდან მუშაობდა უწყებაში, ხოლო 2021 წელს სამსახური დატოვა.

გამოძიება დაწყებულია სისხლის სამართლის კოდექსის 109-ე და 236-ე მუხლებით გრძელდება.

გამოძიება დაწყებულია სისხლის სამართლის კოდექსის 109-ე და 236-ე მუხლებით.

ასევე დაგაინტერესებთ:

🔵დააკავეს პირი, რომელიც ამზადებდა და ასაღებდა უცხოურ ყალბ პირადობის მოწმობებს  

🔵რუსთავში, ქვეითად მოსიარულე დედა-შვილს მანქანა დაეჯახა - როგორია მათი ჯანმრთელობის მდგომარეობა?