"სანამ თვითმკვლელობას გადაწყვეტდა, თურმე ეკლესიაში მისულა, სადაც მამაოს ნახევარი საათი ელოდა..." - ჟურნალისტი ნინო ჯღარკავა ფეისბუკზე ემოციურ პოსტს აქვეყნებს

ჟურნალისტი, ნინო ჯღარკავა სოციალურ ქსელში ემოციურ პოსტს აქვეყნებს.

როგორც ჯღარკავა წერს, მისმა მეგობარმა დღეს, დიდუბე-დიღმის ხიდზე ქალი თვითმკვლელობისგან იხსნა.

"ჩემი დაქალი მოვიდა ახლა აკანკალებული ფერი არ ედო, ახალგაზრდა გოგო გადავარჩინე სიკვდილსო.

ტაქსით მივდიოდი და დიდუბე - დიღმის ხიდთან დავინახე ახალგაზრდა ქალი ხიდზე იყო შემხტარი და ცალი ფეხი მოაჯირზე ჰქონდა გადადგმული, ტაქსის მძღოლს ვუკივლე გააჩერეო და როგორც მივვარდი, ფრთხილად დავუძახე ერთი წუთით ქალბატონო, მოატრილა სახე და წავიდა წინ ტანით ინერციითო, მოვავლე პალტოზე ხელი და მოვქაჩეოო

ერთ წამში გადაიკეტა დიდუბის ხიდი, მანქანებიდან გადმოხტნენ კაცები მოსაშველებლად, ჩავსვი გოგო ჩემს ტაქსიში, ანგელოზივით ქალი იყო, მერე დაიწყო ტირილი, ჩავარდა ისტერიკაში, დავალევინე დამამშვიდებელი და მივიყვანე მის მეგობართანო.

ნინო ტაბატაძე შენ დღეს ისეთი მადლიანი საქმე გააკეთე, უფალი გიშველის შენც და იმ ქალბატონსაც.

ყოჩაღ, რომ არ დაიბენი და წამებში მოასწარი!

გმირი ხარ დაო ჩემს თვალში.

პ.ს სანამ თვითმკვლელობას გადაწყვეტდა, თურმე წინ ეკლესიაში მისულა, მამაოსთვის უთხოვია მიჭირს დამელაპარაკეო, გავთბები და გამოვალო და ნახევარი საათი ელოდა თურმე მამაოს. მერე უფიქრია აი ეტყობა ღმერთსაც არ უნდა, რომ ვიცოცხლოვო და წასულა ხიდისკენ", - წერს ჯღარკავა ფეისბუკზე.

🔲 პაატა ბურჭულაძე საზოგადოებას მიმართავს: ნუ ვიქნებით ამ მთავრობის იმედზე, ამოირჩიეთ რომელიმე ოჯახი და მომწერეთ

🔲  "გთხოვთ შემხვდეთ და პოზიციას "არა და არასოდეს", დარწმუნებული ვარ შეიცვლით" - ელისო კილაძე სალომე ზურაბიშვილს, სააკაშვილის საქმეზე შეხვედრას სთხოვს