ზუსტად ორი წლის წინ, სწორედ 19 დეკემბერს დაჭრეს ცოტნე. დაჭრაც არ ჰქვია ადამიანის ისეთ გამეტებას - გუჯა ბიძია

რეჟისორი, გუჯა ბიძია, ცოტნე გამსახურდიასთან ერთად გადაღებულ ფოტოს აქვეყნებს და წერს, რომ საქართველოს პრეზიდენტის ვაჟი, 2 წლის წინ, სწორედ ამ დღეს დაჭრეს. 

"ზუსტად ორი წლის წინ, სწორედ 19 დეკემბერს დაჭრეს ცოტნე. დაჭრაც არ ჰქვია ადამიანის ისეთ გამეტებას, რაც მას დამართეს.
ხო, ორი წელიწადი გავიდა.
და ბევრი რამ მოხდა ამ ხნის განმავლობაში, და რაც მოხდა იქედანაც ჩანს, რომ დღეს, ადამიანებს, განსაკუთრებით გვჭირდება ღმერთი, განგება, უმაღლესი გონი, თუ რაც არის, მაგრამ რომ არის ფაქტია, რადგან ყველაფერს კანონზომიერება მართავს და მიზეზ - შედეგობრიობა.
და რადგან სწორედ ჩვენ,
მე, შენ და ის, გავჩნდით ამ ქვეყანაზე, და არა სხვა,
როცა მილიონიდან ერთი შანსიც არ იყო და მაინც გავჩნდით, ესე იგი რაღაც დანიშნულება დაგვეკისრა..
რაღაც უფრო დიდი და მნიშვნელოვანი, ვიდრე ჭამა, სმა, და საკუთარი თავის მიცილებაა სასაფლაომდე.
დაგვეკისრა, ხო, ადამიანობა დაგვეკისრა, და თუ დაგვეკისრა, ესე იგი შემთხვევითობა არ არსებობს, და არსებობს ღმერთი, განგება, თუ გონი.
და რაც არსებობს, მინდა იყოს იმათ გვერდითაც , ვისაც შეიძლება არცა სწამთ ღმერთი, მაგრამ თავისი ცხოვრებით და საქციელით სულ საწინააღმდეგოს ამტკიცებენ, რადგან ადამიანის სიყვარული ამოძრავებთ, სიმართლეს ემსახურებიან და ეს სიყვარული და სიმართლეა სწორედ ღმერთი.
დღეს ნიკოლოზობაა.
სასწაულმოქმედიაო წმინდა ნიკოლოზიო, ამბობენ,
ხო, და შეეწიოს ცოტნეს და ყველას,
ვისაც ცოტნესავით არა აქვს ჯერ საშუალება, თქვას ის, რასაც ამბობდა, და აკეთოს ის, რასაც აქამდე აკეთებდა ადამიანებისთვის.
შეგეწიოს, ძმობილო,
შენ და მთელ საქართველოს!",-წერს, გუჯა ბიძია.

ასევე დაგაინტერესებთ:

🔵"ღორის დაკვლაზე იყვნენ"-დაჭრილია 24 წლის ბიჭი

🔵VIDEO: ლაშა ტალახაძე მსოფლიო ჩემპიონატიდან დაბრუნდა - საზეიმო დახვედრა აეროპორტში

🔵20 დეკემბრის ასტროლოგიური პროგნოზი - წმინდა დღეთაგან ერთ-ერთი დღეა