„აქცია თავისუფლების ციხესიმაგრედ და შეკრა გუნდი, რომელსაც ამ დრომდე ვერ მოერია „მანქურთთა ჯგუფი“ - ნოდარ მელაძე ნიკა გვარამიას განაჩენის გამოცხადებაზე

„ასამართლებენ მხოლოდ იმის გამო, რომ ამ ქვეყანაში, დიდი ომის მიუხედავად შეძლო და შეინარჩუნა ოთხი წელი „რუსთავი 2“, აქცია თავისუფლების ციხესიმაგრედ და შეკრა გუნდი, რომელსაც ამ დრომდე ვერ მოერია „მანქურთთა ჯგუფი“, - ასე ეხმიანება „TV პირველის“ საინფორმაციო სამსახურის უფროსი ნოდარ მელაძე ნიკა გვარამიას  სასამართლო განაჩენს, რომელიც რამდენიმე წუთში უნდა გამოცხადდეს.

„ასამართლებენ მხოლოდ იმის გამო, რომ ამ ქვეყანაში, დიდი ომის მიუხედავად შეძლო და შეინარჩუნა ოთხი წელი „რუსთავი 2“, აქცია თავისუფლების ციხესიმაგრედ და შეკრა გუნდი, რომელსაც ამ დრომდე ვერ მოერია „მანქურთთა ჯგუფი“.

ასამართლებენ იმის გამო, რომ უამრავი პრობლემის და უმძიმესი წლების მიუხედავად, მისი მმართველობის ბოლო დღემდე – „რუსთავი 2“ იყო ლიდერი და სხვა ვერავინ შეძლებდა ამას.

ზუსტად ვიცი, ახლა რასაც ფიქრობ, განაჩენამდე რამდენიმე საათით ადრე და ამიტომაც აუცილებლად მოიგებ ამ ომს!“ – წერს ნოდარ მელაძე.

ცნობისთვის, დღეს თბილისის საქალაქო სასამართლომ უნდა გამოაცხადოს განაჩენი ტელეკომპანია “რუსთავი 2-ის” ყოფილი დირექტორის, ამჟამად “მთავარი არხის“ დამფუძნებლის და გენერალური დირექტორის ნიკა გვარამიას წინააღმდეგ წარმოებულ სისხლის სამართლის საქმეზე.

ასევე საინტერესოა:

🔵 "რუსთავის 2" - ის რეპორტიორი, თამთა დოლიძე, ავტოსაგზაო შემთხვევის შედეგად, მძიმედ დაშავდა - თამთას ჩვენი დახმარება სჭირდება!

🔵 ომი დაღუპავს საქართველოს და ქართველებს!!! - მაია ნიკოლეიშვილი

🔵 „მოგვცეს ყველაზე ძვირად ღირებული მიწის 3 ჰექტარი“ - გიგა მაქარაშვილი ბუჩას მერს შეხვდა