"ასე იყო მიშას დროს, მაგრამ მთავრობაზე განაწყენებულს არ მიფიქრია ჩემი სამშობლო მეძაგებინა!" - ლალი მოროშკინა ქსენია სობჩაკს გამოექომაგა

ჟურნალისტი, პიარტექნოლოგი ლალი მოროშკინა სოციალურ ქსელში რუსი ბლოგერისა და ჟურნალისტის ქსენია სობჩაკის თბილისში ვიზიტს ეხმაურება და მის ირგვლივ აგორებულ აჟიოტაჟზე წერს:

"რა საოცარი უნარი გვაქვს ყველაფერი გავაუკუღმართოთ.

ახლა წარმოიდგინეთ, მე რომელიც ჩავდივარ მოსკოვში წინაპრების საფლავებზე, პატივს მივაგებ დიდ ბაბუას, რომელიც ლომონოსოვის უნივერსიტეტის იურიდიული ფაკულტეტის დამაარსებელი იყო, ყვავილები მიმაქვს ონკოლოგიურ კლინიკაში, ბიძაჩემის სახელობის ფონდში, სადაც ილია მოროშკინი მთავარი ექიმი გახლდათ და ქართველებს ოპერაციას უფასოდ უკეთებდა, ვსტუმრობ ზურაბ წერეთელს და მის შესანიშნავ დედაენის ძეგლს, ვეფერები მეგობრებს "სახინკლის" ქსელიდან, სადაც განუმეორებელი "ბრავო-მეტეხი" მეგულება, ვეჭორავები დიდი ხნის უნახავ სოსო პავლიაშვილს და სხვა გულითად მეგობრებს, რომელთა დაუღალავი შრომით უდგია სული ბევრ ოჯახს საქართველოში, და აი ამ დროს ვიღაც რუსი მეუბნება:

"Дайте интервью против Грузии"- ასე იყო მიშას დროს, მაგრამ არც მაშინ, მთავრობაზე განაწყენებულს არ მიფიქრია ჩემი სამშობლო მეძაგებინა!

როგორ აჰყევით ბინძურ თამაშს?

სამშობლო ერთია და მას მოფერება უნდა, რუსი ხარ, ფრანგი, უკრაინელი თუ მაპუტუს მკვიდრი!

სტუმარი კი ყოველთვის ღვთისაა!

ჯამი - ჭურჭელია!", - წერს მოროშკინა.