"დავიბადე პეტერბურგში აფხაზეთიდან დევნილი მშობლების ოჯახში... მოსკოვშიც ვცხოვრობდი, ახლა ვხვდები რამდენად გამიმართლა, რომ იქ აღარ ვარ" - ჯანეტ ქერდიყოშვილი

ქართველი მოდელი, "მის საქართველო 2011"-ის გამარჯვებული ჯანეტ ქერდიყოშვილი სოციალურ ქსელში რუსეთ-უკრაინის ომს ეხმიანება და საკუთარი ოჯახის მძიმე ისტორიას იხსენებს:

"მე დავიბადე სანქტ-პეტერბურგში აფხაზეთიდან დევნილი ჩემი მშობლების ოჯახში და სანამ საქართველოში დავბრუნდებოდი მოსკოვშიც ვცხოვრობდი, ახლა ვხვდები რამდენად გამიმართლა იქ რომ აღარ ვარ.

დღეს, რასაც რუსეთის ხელისუფლება სჩადის, ამას გამართლება არ აქვს და ყველა ის ადამიანი ვინც მდუმარებით უყურებს, არანაკლები დამნაშავეა!

დღეს, აფხაზეთის ომის 30 წლისთავზე ზუსტად ვხვდები და ვგრძნობ იმას, რასაც დედა განიცდიდა გემით რომ ტოვებდა რუსული ტანკებით გარშემორტყმულ თავის მშობლიურ აფხაზეთს, ვხედავ, რასაც უკრაინელი დედები გადიან და განიცდიან.

24 თებერვლის შემდეგ ასე მგონია ჩვენც უკრაინაში ვიმყოფებით და ეს ომი ჩვენს წინააღმდეგაც არის. ამ ომს არასდროს ექნება გამართლება.

მადლობა ყველა ქართველს, ვინც რამით მაინც ცდილობს უკრაინელების მხარდაჭერას და მადლობა ამ მამაც გოგოს განსაკუთრებული მაგალითის ჩვენებისთვის, მათ შორის მდუმარებაში მყოფი რუსული ტელევიზიისა და შოუბიზნესის წარმომადგენლებისთვის!

Слава України ! Героєм Слава !", - წერს ჯანეტ ქერდიყოშვილი.

სხვა სიახლეები:

🔲 ღარიბაშვილი: პოლონეთი საქართველოს გამორჩეული მეგობარი და პარტნიორია

🔲 "სომხეთი მზადაა გახსნას საზღვრები მეზობელ თურქეთთან" - სომხეთის საგარეო უწყება

🔲 მარიუპოლის დრამატული თეატრის თავშესაფარმა საჰაერო დარტყმას გაუძლო - ხალხი გადარჩა