"სომხეთი მზადაა გახსნას საზღვრები მეზობელ თურქეთთან" - სომხეთის საგარეო უწყება

"სომხეთი თურქეთთან სიტუაციის დასტაბილურებისა და დიპლომატიური ურთიერთობების დამყარების მომხრეა", - ამის შესახებ თურქულ გამოცემა Anadolu Agency-სთან ინტერვიუში, სომხეთის საგარეო საქმეთა მინისტრმა არარატ მირზოიანმა განაცხადა.

ინფორმაციას ტელეკომპანია "ფორმულა" ავრცელებს.

სომხეთის საგარეო მინისტრმა ასევე განაცხადა, რომ სომხეთი მზადაა გახსნას საზღვრები მეზობელ თურქეთთან.

"მე ანტალიაში ჩამოვედი რათა მივიღო მონაწილეობა ანტალიის დიპლომატიურ ფორუმში და კიდევ ერთხელ დავაფიქსირო სომხეთის რესპუბლიკის ხელისუფლების პოლიტიკური ნება, რომ მივაღწიოთ ურთიერთობების სრულ ნორმალიზებას.

სომხეთი მზადაა დაამყაროს დიპლომატიური ურთიერთობები და გახსნას საზღვრები.

მე მოხარული ვარ, რომ ჩემი თურქი კოლეგისგან მოვისმინე, რომ არის მათი მხრიდანაც კონკრეტული ნაბიჯების გადადგმის პოლიტიკური ნება.

საზღვრებს გახსნას ექნება თავისი პოზიტიური გავლენა ორ ქვეყანას შორის კავშირებზე, ვაჭრობასა და ეკონომიკურ ურთიერთობებზე, ადამიანებს შორის კონტაქტსა და მთლიანობაში რეგიონში სტაბილურობაზე", - განაცხადა მირზოიანმა

სომხეთის საგარეო საქმეთა მინისტრის თქმით, პროცესის დადებითად განვითარების შემთხვევაში მოსალოდნელია განმეორებითი დიპლომატიური ვიზიტები.

თურქეთის  საკურორტო ქალაქ ანტალიაში 3-დღიანი დიპლომატიური ფორუმი გაიმართა, სადაც სომხეთის საგარეო მინისტრმა თურქეთის საგარეო საქმეთა მინისტრთან, მევლუთ ჩავუშოღლუსთან ერთად ქვეყნებს შორის ურთიერთობის დასტაბილურების ნაბიჯები განიხილა.

ეს ბოლო ათწლეულში თურქეთსა და სომხეთს შორის პირველი მაღალი დონის დიპლომატიური შეხვედრა იყო.

სხვა სიახლეები:

🔵 800 ანტისაზენიტო რაკეტა, 9000 ყუმბართმტყორცნი, ე.წ კამიკაძე დრონები - აშშ უკრაინას 800 მილიონი აშშ დოლარის სამხედრო დახმარებას გაუწევს

🔵 ოკუპანტებმა მელიტოპოლის მერი ტყვეების სანაცვლოდ გაათავისუფლეს