„ეს ქარიშხალი ჩადგება, ყველა დავმშვიდდებით და როგორც მინიმუმ, ერთმანეთის თვალებში შეხედვის არ უნდა შეგვრცხვეს“ - რას წერს თამუნა გომართელი?

ჟურნალისტი, პიარმენეჯერი - თამუნა გომართელი სოციალურ ქსელში სტატუსს აქვეყნებს და ქვეყანაში მიმდინარე მოვლენებს ეხმაურება.

„მეგობრებო, ახლობლებო, ნაცნობებო, უცნობებო, თანამემამულეებო, ადამიანებო, ზრდასრულო გონიერო ხალხო, თუ გვინდა სრულფასოვან ჯანსაღ სოციუმში ვიცხოვროთ, რამენაირად უნდა შევძლოთ და თუ არ გამოგვდის, ვიმუშაოთ საკუთარ ემოციურ ინტელექტზე, რომ გამოვიმუშაოთ:

1. განსხვავებული აზრის მიმღებლობა გინების, წყევლის, თავდასხმის, ბულინგის, შეურაცხყოფის გარეშე.
2. გავიაზროთ, რომ ყველა, ვინც სხვა აზრზეა, მტერი არ არის.
3. გავითავისოთ, რომ ჩვენი ქვეყნის სასიკეთოდ უნდა წარვმართოთ მთელი ძალისხმევა და არა საწინააღმდეგოდ.
4. ლანძღვაში და გინებაში კი ნუ გავეჯიბრებით ერთმანეთს, არამედ ჩვენი ქვეყნის ინტერესების დაცვაში.
5. ნუ გადავკვეთთ წითელ ხაზებს, პატივი ვცეთ ერთმანეთს, პატარაა ეს ქვეყანა და ყველამ ვიცით, ვის როდის რა გაგვიკეთებია ხალხისთვის სასიკეთოც და საზიანოც.
6. გვახსოვდეს, რომ ეს ქარიშხალი ჩადგება, ყველა დავმშვიდდებით და როგორც მინიმუმ, ერთმანეთის თვალებში შეხედვის არ უნდა შეგვრცხვეს. ბედნიერი დამდეგი შობა ახალი წელი ყველას და მშვიდობა ჩვენს ქვეყანას!“, - წერს თამუნა გომართელი.