"გიორგის ახლა მეხუთე ქიმია უკეთდება. ქიმიოთერაპია თითქმის უწყვეტად, 24 საათი მიმდინარეობს უკვე 5 დღეა. რთული გზა გვაქვს გასავლელი, ჩვენ ამას შევძლებთ" - ხატია ცანავა

ფოთელ გიორგი გამზარდიას, ჭადრაკის კლუბის უცვლელ და აქტიურ წევრს, წლების განმავლობაში ჭადრაკის მწვრთნელს, ფიდეს ოსტატს, სხვადასხვა საერთაშორისო და რესპუბლიკური ტურნირის გამარჯვებულს, ჩვენი დახმარება სჭირდება.
გიორგის დაუდგინდა მწვავე ლეიკემია.. საჭიროებს თურქეთში მკურნალობის გაგრძელებას, რაც სოლიდურ ხარჯებთანაა დაკავშირებული.

"ჩემო ძვირფასებო, ისევ და ისევ ძალიან დიდი მადლობა. მე და გიორგი საოცარ მხარდაჭერას ვგრძნობთ.
ვიცი ყველას გაინტერესებთ გიორგის მდგომარეობის შესახებ სიახლეები, ყველას ვერ გპასუხობთ, რადგან ძალიან დიდ ყურადღებას საჭიროებს გიორგი. ჩვენთვის უმნიშვნელო დეტალიც კი გიორგისთვის ძალიან მნიშვნელოვანია.
გიორგის ახლა მეხუთე ქიმია უკეთდება. ქიმიოთერაპია თითქმის უწყვეტად, 24 საათი მიმდინარეობს უკვე 5 დღეა. ექიმები სრულად აკონტროლებენ დაავადებას და მკურნალობაც სტაბილურად მიმდინარეობს. რთულ დღეებს გავდივართ, დეტალებს არ ჩავუღრმავდები, რადგან ეს ჩვენი გასავლელი გზა არის. 
მიუხედავად სირთულეებისა შემართებით ვართ და ძალიან გთხოვთ არც თქვენ მოდუნდეთ. თქვენი გვერდში დგომა ჩვენთვის ძალიან მნიშვნელოვანია. წინ დიდი გამარჯვება გველოდება და ექიმებიც ყველა პირობას ქმნიან.
მე და გიორგის სირთულეების არ გვეშინია, ვიცით თქვენი გვერდში დგომით, ერთიანობით, სიყვარულით გავიმარჯვებთ! 
ძალიან დიდი მადლობა ჩვენს პატარა ქალაქს, თურმე როგორ გვყვარებია ერთმანეთი და როგორი გვერდში დგომა გვცოდნია",-წერს, გიორგის მხარდასაჭერად შექმნილ ჯგუფში, მისი მეუღლე, რომელზეც 7 თვის წინ დაქორწინდა. 

გიორგის დახმარების მსურველებს შეგიძლიათ გადახვიდეთ  ბმულზე და იხილოთ სრულყოფილი ინფორმაცია:https://www.facebook.com/groups/1031564867512994

ასევე დაგაინტერესებთ:

🔵წყალტუბოში ქმარმა ცოლი განსაკუთრებული სისასტიკით მოკლა

🔵"ვახო სანაიას გინების ვიდეოს ვინც ალაიქებს, იმათ ფრენდებში ნამდვილად არ გავაჩერებ" - ქეთი დევდარიანი