"მეშინოდა იმ მხარეს გახედვა, სადაც თითქოს აღარ უნდა დამხვედროდა, მაგრამ გინდ დაიჯერეთ, გინდ არა..." - რა ისტორიას ავრცელებს ფსიქოლოგი ნათია ფანჯიკიძე

ფსიქოლოგი, ფსიქო ცენტრ "კამარას" დამფუძნებელი ნათია ფანჯიკიძე სოციალურ ქსელში წერს:

"გინდ დაიჯერეთ, გინდ არა, ან სულაც სულელი მეძახეთ, რაც მეტ ეპითეტს დაიტევს სხვათა მიერ აღქმული ვიღაც ქალი, ჩემს სახელს რომ ეძახიან და ხშირად სახეზე თუ მეცნობა მხოლოდ, მით უფრო ყველაფერი ვყოფილვარ, ცუდიც და კარგიც და ეს სულაც არაა უარესი, რაც შეიძლება მჭირდეს, ამბავი კი ასეთია, როცა თავს კარგად არ ვგრძნობ, ან განსაკუთრებით დიდი ნეგატიური ენერგიაა მომართული ჩემკენ, რომელიმე ყვავილი თითქოს ჩემსა და ცუდ ენერგიას შორის დგება და თავის თავზე იღებს ემოციის ნაწილს, აუცილებლად ხმება ხოლმე, ან ავადდება.

აქ არ ვიყავი, რომ მომწერეს, კამარაში ჩემი ჯადოსნური, უზარმაზარი პასიფლორა დამსკდარა და გამხმარა და იძულებული გახდნენ, გადაეჭრათ ძირში.

ისე ვიდარდე, მისვლა და ნახვა არ მინდოდა.

მაინც მივედი, რა თქმა უნდა და მეშინოდა იმ მხარეს გახედვა, სადაც თითქოს აღარ უნდა დამხვედროდა მშვენიერება, რომელიც ერთი ციცქნა ტოტიდან გავახარე და გოლიათად იქცა და თითქმის მთელი წელი ყვაოდა ჩემთვის და ყველასთვის, ვინც შემოაბიჯებდა, რომელსაც საათობით ვაშტერდებოდი და ვინც ასევე აღტაცდებოდა მისი გაცნობით, აუცილებლად ვთავაზობდი და ვატანდი ტოტს გასახარებლად.

აჩქრებული გულით გავიხედე და სატირლადაც მზად ვიყავი, უნდა გავუძლომეთქი, პირობას ვაძლევდი თავს და ბედნიერი ვარ, უცებ რომ გითხრათ.

ახალი ყლორტები აქვს ამოყრილი ამ უართგულეს, მკურნალ მცენარეს",- წერს ნათია ფანჯიკიძე.

ასევე დაგაინტერესებთ:

* იტალიაში, კაპრიზე, ჯენიფერ ლოპესის კონცერტზე მაგიდის დაჯავშნა 75 000-250 000 ევრო ღირდა