„რთულია ამ პოსტის დაწერა ჩემთვის, მომღერლობით ვერაფერს მივაღწიე, ამიტომ ვეძებ სტაბილურ სამსახურს“ - ნინი შერმადინი

ქართველი მომღერალი ნინი შერმადინი, რომელიც ბოლო წლებია ამერიკაში ცხოვრობს და საქმიანობს, მისი კარიერა თუ პირადი ცხოვრება მუდმივად ინტერესის საგანს წარმოადგენს, ამიტომ იგი გამომწერებს მისი ცხოვრების მნიშვნელოვან მომენტებს, სოციალურ ქსელში პერიოდულად უზიარებს ხოლმე.

37 წლის მომღერალმა ახლახან სოციალურ ქსელში პოსტი გამოაქვეყნა, სადაც ამბობს, რომ როგორც მომღერალმა, მუსიკოსმა და ავტორ-შემსრულებელმა ვერ შექმნა ისეთი კარიერა, რომ ფინანსურად საკუთარ ნიჭზე ყოფილიყო დამოკიდებული, ამიტომ ის სტაბილურ სამსახურს ეძებს. 

„გამარჯობა მეგობრებო, ცოტა რთულია ამ პოსტის დაწერა ჩემთვის, მაგრამ სიმართლეა და ამ სიმართლეს ვერ გავურბივარ.

როგორც მომღერალმა, მუსიკოსმა და ავტორ-შემსრულებელმა, ვერ გავიკეთე ისეთი კარიერა, რომ ფინანსურად საკუთარ ნიჭზე ვყოფილიყავი დამოკიდებული. მოკლედ, რომ ვთქვათ არ მემღერება, ბევრი მიზეზის გამო. ამ მომღერლობითაც ბევრს ვერაფერს მივაღწიე ასე, რომ მეგობრებო, ვეძებ სტაბილურ სამსახურს, ვიცი 4 ენა, ინგლისური, რუსული, ბერძნული და ქართული. მაქვს საბანკო გამოცდილება, customer service უმაღლეს დონეზე.

თუ ვინმეს გაქვთ ვაკანსია ან იდეა სად შეიძლება გამოგადგეთ, მომწერეთ მადლობა წინასწარ“, - წერს ნინი შერმადინი.