„ულამაზესი ბავშვი, ქათქათა, ზღვისფერი თვალებით... შემდეგ კი როცა მივედი აკვანი ცარიელი იყო, ყბის ჩამომგდები სილამაზის ის მაღალი გოგო კი სახე წაშლილი“ - შოკის მომგვრელი ისტორია

„ერთხელ მივედი და აკვნით ულამაზესი ბავშვი დამხვდა. ულამაზესი გრძელი თითებით, ქათქათა, ულამაზესი ზღვისფერი თვალებით... ერთი კვირის შემდეგ კი როცა მივედი აკვანი ცარიელი იყო, ყბის ჩამომგდები სილამაზის ის მაღალი გოგო კი სახე წაშლილი“ - ჟურნალისტი ზურა ბაუჟაძე ფეისბუკის საკუთარ გვერდზე შოკის მომგვრელ ისტორიაზე წერს.

„ოჯახის ყველა წევრი გარდაცვლილია და ამიტომ ვწერ ამ ამბავს.

ქობულეთში ერთ ოჯახს ვიცნობდი. ასაკოვანი ცოლ-ქმარი ცხოვრობდა მარტო.

ხანდახან სტუმრად დავდიოდი მათთან. ალბათ 17 ან 18 წელი იქნება გასული. ყავას ვსვამდით, ვსაუბრობდით და მერე მივდიოდი მე სახლში.

ერთხელ მივედი და აკვნით ულამაზესი ბავშვი დამხვდა. ულამაზესი გრძელი თითებით, ქათქათა, ულამაზესი ზღვისფერი თვალებით.

მზე იცქირებოდა აკვნიდან და იღიმოდა თოთო ბავშვი. იქვე ახალგაზრდა ულამაზესი გოგო იყო. მაღალი, საოცარი სილამაზის. ყბა რომ ჩამოგივარდებოდა და საათობით ყურება რომ არ მოგწყინდებოდა.

მასპინძელმა როცა დავიმარტოხელე მითხრა რომ გოგო ჩოხატაურიდან იყო. შეაცდინეს და ჩუმად ამშობიარეს.
ერთი კვირის შემდეგ როცა მივედი აკვანი ცარიელი დამხვდა...

ყბის ჩამომგდები სილამაზის ის მაღალი გოგო კი სახე წაშლილი...“, - წერს ზურა ბაუჟაძე.

ასევე დაგაინტერესებთ:

🔵 „ჩემი საფიცარი, ნანატრი, ერთადერთი ბიჭი, არ ვიცი, როგორ უნდა გავაგრძელო ცხოვრება...“ - გუდაურის ტრაგედიისას დაღუპული გიორგი მარგიანის დედა

🔵 გულის თანდაყოლილი მანკის მკურნალობა საყოველთაო ჯანდაცვის პროგრამით დაფინანსდება

🔵 სინოპტიკოსები დღეს მთელი ქვეყნის მასშტაბით წვიმას ვარაუდოებენ