ჯაბა კანკავამ 17-წლიანი სანაკრებო კარიერა დაასრულა

"ჯაბა კანკავამ 17-წლიანი სანაკრებო კარიერა დაასრულა" ,- ამის შესახებ საქართველოს ფეხბურთის ფედერაციის პრეზიდენტი ლევან კობიაშვილი სოციალურ ქსელში წერს.

"დღეს, ჯაბა კანკავამ 17-წლიანი სანაკრებო კარიერა დაასრულა.

ეროვნული გუნდის კაპიტანს, ნაკრების მაისურით კიდევ არაერთი მატჩის ჩატარება შეეძლო, რაც, რა თქმა უნდა, ჩვენი სურვილიც გახლდათ, თუმცა ჯაბას გადაწყვეტილება ასეთია და ვალდებული ვართ, რომ პატივი ვცეთ.

მასთან ერთად ეროვნული გუნდის მაისურით არაერთი მატჩი მითამაშია და ძნელად მახსენდება ფეხბურთელი, რომელიც ასე სწორად მიესადაგებოდა იმ პასუხისმგებლობას, რასაც მინდორზე ეროვნული გუნდის მაისურით გასვლა ჰქვია.

ჯაბა კანკავა სამაგალითო იყო ნაკრების თითოეული წევრისთვის, განსაკუთრებით, ახალგაზრდა მოთამაშეებისთვის, რომლებსაც თავისი ქცევით და საქმისადმი დამოკიდებულებით, სანაკრებო ფეხბურთის სირთულეების დაძლევაში ეხმარებოდა.

შრომა, თავდადება და პასუხისმგებლობის გრძნობა - ამ ღირებულებების მატარებელი ჯაბა, ჩემთვის პირადად, როგორც რიგითი გულშემატკივრისთვის, ყოველთვის დარჩება იმის სიმბოლოდ, თუ როგორი უნდა იყოს საქართველოს ეროვნული ნაკრების ფეხბურთელი.

#მადლობაკაპიტანო!", - წერს კობიაშვილი.

სხვა სიახლეები:

🔳 სოციალურ ქსელში უკრაინის მხარდამჭერი პეტიცია გავრცელდა

🔳 ISFED: ფეისბუკის მიერ გაუქმებულმა არაერთმა პროპაგანდისტულმა გვერდმა მოახდინა წარმატებული მიგრაცია ტიკტოკის პლატფორმაზე, მათ შორის „ალტ-ინფოს“ ქსელმა

🔳 “ორსულობისა და ბავშვის გაჩენის შემთხვევაში, არალეგალს თავისუფლად შეუძლია გააკეთოს იტალიური ბინადრობის ნებართვა, ანუ გახდეს ლეგალი” - ფიქრია კუჭუხიძე