"ჩემო პატარა ბიჭო"- ტრაგიკული სურათის მძიმე ისტორია

16 წლის ილია  ხუთშაბათს დილით, მარიუპოლის ქუჩაში მეგობრებთან ერთად ფეხბურთს თამაშობდა, რა დროსაც სრულიად მოულოდნელად განგაშის სირენის ხმა გაისმა და შეშინებული ბავშვები თავის დასაცავად გაიქცნენ.

რუსული არმიის მიერ გასროლილმა ასაფეთქებელმა მოწყობილობამ, რამდენიმე წუთში დაასრულა 16 წლის ილიას სიცოცხლე. მძიმედ დაშავდნენ მისი მეგობრებიც, შესაძლოა ზოგიერთ მათგანს კიდურების ამპუტაცია დასჭირდეს.

ტრაგიკული რეალობის ამსახველი კადრი, რომელიც მსოფლიოს ნახა Associated Press-ის ფოტოგრაფს ევგენი მალოლეტკას  ეკუთვნის. ფოტოგრაფმა საავადმყოფოს დერეფანში, კამერის ობიექტივში, 16 წლის ბიჭის მამა დააფიქსირა, რომელიც უკანასკნელად იხუტებდა და ხმამაღლა დასტიროდა შვილის უსიცოცხლო სხეულს. " ჩემო პატარა ბიჭო" - იყო განწირული მამის სიტყვები, აღნიშნავს ფოტოგრაფი. 

ფოტოგრაფმა ტელეგრამით გადმოსცა ის ვითარება რაც მის თვალწინ ხდებოდა. " საავადმყოფოში მოსული მანქანის უკანა კარებიდან ორი მოზარდი გადმოიყვანეს. ილია უკვე გარდაცვლილი იყო. არტიომს და მის მეგობარ დავითს კი ფეხები ისე  ჰქონდათ  დაზიანებული, რომ ვერ ავღწერ. ასეთი დაზიანების დროს ძალიან ძნელია ამპუტაციას გადაურჩე"

„მოგვიანებით „გრადის“ მრავალსარაკეტო სისტემით, ეს საავადმყოფოც დაიბომბა . დაიბომბა მეზობელი სახლებიც. იქ მყოფ ადამიანებს თავის დასაცავად, ხშირად უწევდათ იატაკზე "დავარდნა"- ამბობს ფოტოგრაფი.

 ასევე საინტერესოა

🔵ზელენსკი: პოლონეთთან საზღვარი აღარ გვაქვს - იმიტომ, რომ ერთად ვართ სიკეთის მხარეზე

🔵ალა პუგაჩოვამ ოჯახთან ერთად რუსეთი დატოვა

🔵უკრაინის მხრიდან, მომლაპარაკებელი ჯგუფის წევრი, მოღალატე აღმოჩნდა