ზელენსკი: პოლონეთთან საზღვარი აღარ გვაქვს - იმიტომ, რომ ერთად ვართ სიკეთის მხარეზე

უკრაინის პრეზიდენტმა ვლადიმირ ზელენსკიმ განაცხადა, რომ პოლონეთისა და უკრაინის ხელისუფლებამ საზღვარზე ჰუმანიტარული კრიზისის თავიდან აცილება მოახერხა.

„ჩვენ მოვახერხეთ სიტუაციის ისე ორგანიზება, რომ ათასობით უკრაინელი ქალმა და ბავშვმა მიიღეს ღირსეული დამოკიდებულება, არავინ კითხულობს რა ეროვნების არიან, რა რწმენა აქვთ, რამდენი აქვთ ფული.

ფაქტობრივად, მეგობარ პოლონეთთან საზღვარი აღარ გვაქვს, იმიტომ რომ ერთად ვართ სიკეთის მხარეზე.

ჩვენ საზღვრამდე არ ვართ.

დარწმუნებული ვარ, მალე ჩვენ შევძლებთ ვუთხრათ ჩვენს ხალხს:

დაბრუნდით!

დაბრუნდით პოლონეთიდან, რუმინეთიდან, სლოვაკეთიდან და ყველა სხვა მეგობარი ქვეყნიდან.

დაბრუნდით, რადგან საფრთხე აღარ არსებობს“, - ნათქვამია ზელენსკის ტელეგრამის არხზე გამოქვეყნებულ ვიდეო მესიჯში.

იმავდროულად, უკრაინის თავდაცვის მინისტრმა ოლექსი რეზნიკოვმა განაცხადა, რომ 60 000-ზე მეტი უკრაინელი დაბრუნდა ქვეყანაში, რომლებიც მზად არიან აიღონ იარაღი.

"66 224.

აი რამდენი კაცი დაბრუნდა იმ მომენტში საზღვარგარეთიდან, რომ დაეცვა თავისი ქვეყანა ურდოსგან.

ეს კიდევ 12 საბრძოლო და მოტივირებული ბრიგადაა!

უკრაინელებო, ჩვენ უძლეველნი ვართ!" - დაწერა მან Twitter-ზე.

რუსეთი უკრაინაში 24 თებერვალს შეიჭრა და ფართომასშტაბიან ომს ამ დრომდე ატარებს.

განახლებული სიახლეები უკრაინაში მიმდინარე მოვლენებზე იხილეთ აქ.

სხვა სიახლეები:

⬛ უკრაინის მხრიდან, მომლაპარაკებელი ჯგუფის წევრი, მოღალატე აღმოჩნდა

⬛ ბიძინა კულუმბეგოვი: მესამე მსოფლიო ომის შიშით, ამ შლეგს პუტინს მიუგდეს უკრაინელების და ჩვენი თავი