უკრაინის დაზვერვა: გვაქვს ინფორმაცია, ატომური შანტაჟის ორი ვარიანტის დამუშავების შესახებ

უკრაინის სამხედრო დაზვერვის სამსახურის ხელმძღვანელი კირილ ბუდანოვი აცხადებს, რომ დაზვერვას აქვს ინფორმაცია რუსეთის სამხედრო ძალების მიერ ატომური შანტაჟის რამდენიმე ვარიანტის შესახებ.

"ჩვენ გვაქვს ინფორმაცია ორი ვარიანტის დამუშავების შესახებ. 

პირველი - ეს არის რადიოაქტიური ტყეების მასშტაბური ხანძარი, რაც გამოიწვევს რადიოაქტიური ღრუბლის წარმოქმნას, რომელიც იმ მიმართულებით წავა, საითაც ქარი წაიღებს.

მეორე - ატომური საცავის მიმართ გახსნილი საარტილერიო იერიში.

შედეგი იგივე იქნება.

ორივე შემთხვევაში, რუსეთის ხელისუფლების მიზანია, რომ დაადანაშაულოს უკრაინა და მისი „ნაცისტური“, „ნეონაცისტური“ ფორმირებები, რომლებიც უბრალოდ არ არსებობენ", - განაცხადა მან.

ბუდანოვის განცხადებით, ნებისმიერი ატომური შანტაჟი იქნება ატომური ტერორიზმი, ეკოციდი და ეკოლოგიური კატასტროფა, რომლის შედეგადაც ყველაზე მეტად უკრაინა და ბელარუსი დაზარალდება.

1986 წლის ავარიის შემდეგ დაკონსერვებულ ჩერნობილის ატომურ ელექტროსადგურზე რუსმა სამხედროებმა კონტროლი დაამყარეს უკრაინის წინააღმდეგ საომარი მოქმედებების დაწყებიდან პირველივე დღეს, 2022 წლის 24 თებერვალს.

სადგურზე რჩება უკრაინული პერსონალი.

სხვა სიახლეები:

⬜ მელიტოპოლში რუსების მიერ გატაცებული მერის გათავისუფლებას ითხოვენ

⬜ "პუტინის დასასრული ეს არის ტყვია შუბლში, რომელიც უნდა მიიღოს უახლესი გარემოცვიდან" - ჩეჩნეთის რესპუბლიკა იჩქერიის ყოფილი პრემიერ-მინისტრი

⬜ "რატომ არიან უკრაინელები დიდ გულზე და რატომ არის ევროპა ან ამერიკა ვალდებული დაეხმაროს მას" - რას წერს ზურაბ გურული