"ამ ბოლო წლების განმავლობაში არავის არ დაუხოცავს იმაზე მეტი რუსი ხალხი, ვიდრე პუტინმა" - ნავალნის სიტყვა სასამართლოზე

"რადიო თავისუფლების" ინფორმაციით, პატიმრობაში მყოფმა რუსმა ოპოზიციონერმა, ალექსეი ნავალნიმ, სასამართლოს წინაშე გამოსვლის შესაძლებლობით ისარგებლა და ამ კვირაში მწვავე ანტისაომარი სიტყვა წარმოთქვა, რომელშიც რუსეთის ხელისუფლების ყველა შტო, პრეზიდენტ პუტინის ხელმძღვანელობით, უკრაინელი და რუსი ხალხის დახოცვაში დაადანაშაულა.

"თქვენი სისტემა, თქვენი პუტინი და თქვენი მოხელეები ახლა რუსეთის მტრები არიან.

რუსი ხალხის გამყიდველები და რუსი ხალხის მკვლელები არიან ამ სიტყვის სრული მნიშვნელობით.

ამ ბოლო წლების განმავლობაში არავის არ დაუხოცავს იმაზე მეტი რუსი ხალხი, ვიდრე პუტინმა.

მთლიანობაში, რასაც თქვენ, თქვენს ხალხთან ერთად აკეთებთ, არის ნონსენსი, ნამდვილი ისტორიული ნონსენსი და, რა თქმა უნდა, თქვენ ყველანი ისტორიულ მარცხს განიცდით.

ისევე როგორც ისტორიულ მარცხს იწვნევთ იმ იდიოტურ ომში, რომელიც თქვენ და თქვენმა პუტინმა გააჩაღეთ", - განაცხადა 24 მაისს ალექსეი ნავალნიმ.

ცნობისთვის, ალექსეი ნავალნი, საერთო რეჟიმის კოლონიაში ვლადიმირის ოლქში იხდის სასჯელს.

24 მაისის სხდომაზე, სასამართლომ უარყო მისი სააპელაციო სარჩელი და თაღლითობისა და სასამართლოს უპატივცემულობის საქმესთან დაკავშირებული განაჩენი ძალაში დატოვა.

ასევე დაგაინტერესებთ:

📍მსჯავრდებულებს ციფრულ უნივერსიტეტში დისტანციური სწავლის შესაძლებლობა ექნებათ

📍28 მაისის ასტროლოგიური პროგნოზი - ამ დღეს ეცადეთ ამაღლებულ ხასიათზე იყოთ, სიკეთის მომცემი მზის დღეა