ჩინეთმა აშშ-ის კონგრესის ზოგიერთ წევრს, მთავრობის წარმომადგენლებს, ასევე არასამთავრობო ორგანიზაციების ხელმძღვანელებს სანქციები დაუწესა

 ჩინეთმა სანქციები დაუწესა აშშ-ის კონგრესის ზოგიერთ წევრს, მთავრობის წარმომადგენლებს, ასევე არასამთავრობო ორგანიზაციების ხელმძღვანელებს, – ამის შესახებ ჩინეთის საგარეო საქმეთა სამინისტროში განაცხადეს.

ჩინეთის საგარეო უწყების პრესსპიკერის, ლინ ძიანის განცხადებით, სანქციები ეხება ჰონგ კონგთან დაკავშირებულ საკითხებზე უხეშ ქცევას.

ჰონგ კონგის ხელმძღვანელ პირებზე სანქციების დაწესებით, ჩინეთი აშშ-ს ქვეყნის შიდა საქმეებში ჩარევაში ადანაშაულებს. პეკინში ამტკიცებენ, რომ ვაშინგტონი სერიოზულად არღვევს საერთაშორისო სამართლის პრინციპებს და საერთაშორისო ურთიერთობების ძირითად ნორმებს.

„უცხოურ სანქციებთან ბრძოლასთან დაკავშირებით ჩინეთის სახალხო რესპუბლიკის კანონის შესაბამისი დებულებების შესაბამისად, ჩინეთმა გადაწყვიტა სანქციების დაწესება აშშ-ის კონგრესმენებზე, ოფიციალურ პირებსა და არასამთავრობო ორგანიზაციების ხელმძღვანელებზე, რომლებიც ცუდად იქცევიან ჰონგ კონგთან დაკავშირებულ საკითხებზე. ჩვენ გვინდა, ვუთხრათ ამერიკულ მხარეს, რომ ჰონგ კონგი არის ჩინეთის ჰონგ კონგი და რომ ჰონგ კონგის საქმეები აშშ-ის მხრიდან ჩარევას არ ექვემდებარება. აშშ-ს მხრიდან ჰონგ კონგთან დაკავშირებულ საკითხზე ნებისმიერ არასწორ ქმედებას ჩინეთის მხარე მტკიცე და საპასუხო კონტრრეაქციით შეხვდება“, – განაცხადა ლინ ძიანმა.