ემიგრანტების უკანონო გადაყვანა - ევროპოლმა საქართველოს, პოლონეთის, უკრაინისა და ტუნისის მოქალაქეები დააკავა

ემიგრანტების უკანონო გადაყვანის ფაქტზე,  ევროპოლმა საქართველოს, პოლონეთის, უკრაინისა და ტუნისის მოქალაქეები დააკავა. ინფორმაციას, პოლონური მედია ავრცელებს.

მათივე ცნობით, ცხრა კაციან დაჯგუფებას ბელორუსიიდან პოლონეთში ემიგრანტები კონტრაბანდულად გადაჰყავდა.

„ისინი ორგანიზებული დანაშაულებრივი ჯგუფის ცხრა წევრია. დაკავებულებმა ბელორუსიიდან პოლონეთში ემიგრანტების უკანონო მიგრაცია და გერმანიაში ტრანსპორტირება მოაწყვეს. საქმეს აწარმოებს საოლქო პროკურატურა“ - აცხადებს პროკურატურის პრესსპიკერი არტურ შიკულა.

მისი თქმით, ეჭვმიტანილებს ბრალი ედებათ ორგანიზებულ დანაშაულებრივ ჯგუფში მონაწილეობასა და პოლონეთ-ბელარუსის საზღვრის უკანონოდ გადაკვეთის ორგანიზებაში. დაკავებულების უმეტესობამ აღიარა სავარაუდო დანაშაული. ოთხ ეჭვმიტანილთან დაკავშირებით პროკურორმა სასამართლოს მიმართა უმძიმესი აღკვეთის ღონისძიების სახით, პატიმრობის შეფარდების მოთხოვნით. სასამართლომ პროკურატურის ეს მოთხოვნები დააკმაყოფილა. 

„ჯგუფის საქმიანობა მოიცავდა ბელორუსთან პოლონეთის საზღვრის უკანონო გადაკვეთის ორგანიზებას და შემდეგ უცხოელთა გადაყვანას დასავლეთ ევროპის ქვეყნებში, ამ შემთხვევაში გერმანიაში. ორგანიზებული დანაშაულებრივი ჯგუფის საქმიანობა გასული წლის სექტემბრიდან მიმდინარე წლის იანვრამდე პერიოდს მოიცავს. ჯგუფის წევრები მოქმედებდნენ პოდლასკის სავოევოდოში, ვარშავაში, ლოძში, ვროცლავში და ქვეყნის სხვა ქალაქებში.

ჯგუფის სათავეში ორი ადამიანი იდგა. ერთი ფინანსურ საკითხებზე იყო პასუხისმგებელი და მეორე - საზღვრის უკანონო გადაკვეთის ორგანიზებაზე კონკრეტული ადგილებისა და დროის მითითებით. კურიერების დაკომპლექტება მოხდა ერთ-ერთი მყისიერი მესინჯერის საშუალებით ბელორუსის მოსაზღვრე ტერიტორიებიდან. მათი ამოცანა იყო უცხოელთა ტრანსპორტირება პოლონეთის ტერიტორიის გავლით გერმანიაში. დავადგინეთ, რომ მოლარეების მოვალეობის შემსრულებლებმა ჯგუფის დანაშაულებრივ საქმიანობაზე ჯამურად 8 მილიონ 700 ათასი ევრო შეუკვეთეს, კურიერებს კი 4 მილიონ 300 ათასი ევრო გადაურიცხეს. ჩხრეკისას ეჭვმიტანილები უზრუნველყოფილი იქნა ევრო და აშშ დოლარის თანხებით, ჯამში 475 000 ევრო და 30 000 აშშ დოლარზე მეტი“, - ამბობს პროკურატურის პრესსპიკერი.

დაკავებულები არიან პოლონეთის, საქართველოს, უკრაინისა და ტუნისის მოქალაქეები. 

ასევე საინტერესოა:

🔵 „არ შევეგუებით 2007 წლის ხელფასებს 2022 წელს!“ - სოციალური აგენტები ქვეყნის მასშტაბით გაიფიცნენ (ვიდეო)

🔵 ტურისტს პირსინგის გამო ქუთაისში სცემეს

🔵 „ყრუ კედელი ხელისუფლებასა და მოქალაქეებს შორის იზრდება და ამ პოლიტიკას სამწუხაროდ ადამიანები ეწირებიან“ - ყოფილი სახალხო დამცველი