„ყრუ კედელი ხელისუფლებასა და მოქალაქეებს შორის იზრდება და ამ პოლიტიკას სამწუხაროდ ადამიანები ეწირებიან“ - ყოფილი სახალხო დამცველი

„ყრუ კედელი ხელისუფლებასა და მოქალაქეებს შორის იზრდება და ამ პოლიტიკას სამწუხაროდ ადამიანები ეწირებიან“ - ასე ეხმაურება ყოფილი სახალხო დამცველი უჩა ნანუაშვილი ტრაგიკულ შემთხვევას, რომელსაც დევნილი 52 წლის კაცის სიცოცხლე ემსხვერპლა. 

თბილისის ზღვასთან, ყოფილ სანატორიუმ „ქართლში“ მცხოვრებმა დევნილმა კაცმა პროტესტის ნიშნად თავი მოიკლა. 

„30 წლის წინ ხელისუფლებამ ვერ დაიცვა საკუთარი მოქალაქეები და აქცია ისინი დევნილებად თავის ქვეყანაში. ახლაც, საპროტესტო აქციების მიუხედავად, ცენტრალურმა ხელისუფლებამ ვერ გამონახა დრო და საერთო ენა დევნილებთან, ვერ შეძლო მოესმინა მათი პრობლემებისთვის.

სამინისტრო, რომელიც დევნილთა საკითხებზე მუშაობდა, რამდენიმე წლის საერთოდ გაუქმდა, თითქოს უკვე მოგვარდა დევნილთა პრობლემები. ყრუ კედელი ხელისუფლებასა და მოქალაქეებს შორის იზრდება და ამ პოლიტიკას სამწუხაროდ ადამიანები ეწირებიან. საქართველოში დღეს 90 შენობაა მძიმე მდგომარეობაში, მათგან 71 სიცოცხლისა და ჯანმრთელობისთვის მომეტებული საფრთხის შემცველია. ამ შენობებში ათასობით დევნილი ცხოვრობს ღირსების შემლახავ პირობებში! გეტოები 21 საუკუნეში უნდა დასრულდეს!

დევნილებს ღირსეულ პირობებში უნდა უწევდეთ ცხოვრება! ხელისუფლებამ უნდა აიღოს პასუხისმგებლობა ამ დეჰუმანიზირებულ პოლიტიკაზე, რასაც დევნილების გარიყვა და სისტემური დისკრიმინაცია სდევს.

სამძიმარს ვუცხადებ გარდაცვლილის ოჯახს და ახლობლებს! იგი 22 წლის ასაკში გახდა დევნილი და ამდენი წელი კვლავ იტოვებდა იმედს, რომ სახელმწიფო გახდებოდა უფრო ჰუმანური დევნილებთან მიმართებით, ვინმე შეისმენდა მათ ხმას და გასაჭირს. სამწუხაროდ 30 წლის შემდეგაც კვლავ გრძელდება სოციალური პოლიტიკა, სადაც ადამიანები არიან დავიწყებულნი და საბოლოო ჯამში ეწირებიან ამ პოლიტიკას.
სოლიდარობა ყველა დევნილს!“, - წერს ფეისბუკის საკუთარ გვერდზე საქართველოს ყოფილი სახალხო დამცველი უჩა ნანუაშვილი.

ასევე საინტერესოა:

🔵 „დავორგანიზდეთ, სამოქალაქო სექტორმა, სტუდენტებმა, საჯარო პირებმა, დავთქვათ დრო და დავდგეთ ამ დაღუპული კაცის ხსნოვნისთვის მაინც!“ - ირაკლი კუპრაძე

🔵 „ან რუსეთის ეკლესიის მიერ მართულმა სერბმა მამაომ შეაცდინა, ან შიში აქვს, რომ დაჩიპავენ“ - გოცირიძე ჯოკოვიჩის დეპორტაციაზე

🔵 „დავიჯერე რომ ნოეს ხატება მივიდა სიკვდილის წინ იმ ჭაობისფერი საწვიმარით და ლელაიემ ცრემლებით გამოიტირა მისი ერთადერთი სიყვარული“ - დინა მირცხულავა სევდიან ისტორიას იხსენებს