გაერთიანებული სამეფოს დედოფალი ელისაბედ მეორე 96 წლის ასაკში გარდაიცვალა

გაერთიანებული სამეფოს დედოფალი ელისაბედ მეორე 96 წლის ასაკში გარდაიცვალა. ბუკინგემის სასახლეზე დროშები დაუშვეს.

„დედოფალი გარდაიცვალა მშვიდად ბალმორალის ციხესიმაგრეში დღეს შუადღისას“, – ნათქვამია ბუკინგემის სასახლის განცხადებაში.

დღეს შუადღისას ბუკინგემის სასახლემ გაავრცელა ოფიციალური განცხადება, რომ დედოფლის ჯანმრთელობის მდგომარეობის გამო, ექიმები შეშფოთებულები არიან და მას სამედიცინო მეთვალყურეობა ესაჭიროება. ამის შემდეგ სასწრაფო წესით შოტლანდიაში გაემგზავრნენ დედოფალ ელისაბედ მეორის ოჯახის წევრები. ბალმორალის ციხესიმაგრეში ჩავიდა პრინცი ჩარლზი, ასევე პრინცი უილიამი და პრინცი ჰარი.

დედოფალი ელისაბედ მეორე  1926 წლის 6 თებერვალს, იორკის ჰერცოგ ჯორჯისა და მისი მეუღლის, ელისაბედის ოჯახში დაიბადა. ელისაბედმა განათლება  სასახლეში მიიღო. 

ელისაბედი 1947 წელს დაქორწინდა პრინც ფილიპზე, რომლისგანაც ჰყავს ოთხი შვილი: ჩარლზი, ენი, ენდრიუ და ედუარდი.

ელისაბედ II-ე 70 წელია რაც ქვეყანას მართავს.

ელისაბედ II ტახტზე 25 წლის ასაკში ავიდა და ის არაერთი ისტორიული მოვლენის მონაწილეც გახდა. მისი დანიშნულია დიდი ბრიტანეთის ბოლო 15 პრემიერ-მინისტრი, მათ შორის უინსტონ ჩერჩილი და მარგარეტ ტეტჩერი.

ასევე დაგაინტერესებთ:

🔵 როგორ შევაყვაროთ ბავშვს კითხვა - წიგნებთან თქვენი და თქვენი ბავშვის ერთად გატარებული დრო მას კითხვისგან კიდევ უფრო მეტ სიამოვნებას მიანიჭებს

🔵 დიდ დიღომში მომხდარი აფეთქებისას დაშავებული ბავშვი გარდაიცვალა

🔵 ახმეტის მუნიციპალიტეტში ძიუდოში ვარჯიშის დროს 16 წლის ბიჭი გარდაიცვალა