ირანში დაწყებულ საპროტესტო აქციებზე სულ მცირე 83 ადამიანია დაღუპული - Reuters

ირანში გასულ კვირას დაწყებული საპროტესტო აქციები გრძელდება.

სააგენტო Reuter-ი ადამიანის უფლებათა დაცვის ადგილობრივი ჯგუფების ბოლო მონაცემებზე დაყრდნობით ავრცელებს, რომ აქციებზე დაღუპულია სულ მცირე 83 ადამიანი.

მასობრივი პროტესტები ირანის ქალაქ საყეზში, ჰიჯაბის ტარების წესების დარღვევისთვის, პოლიციის მიერ დაკავებული 22 წლის მაჰსა ამინის გარდაცვალების შემდეგ დაიწყო.

ხალხი ადამიანთა და განსაკუთრებით ქალთა უფლებების დასაცავად გამოვიდა, რასაც პოლიციასთან შეტაკება მოჰყვა.

ადამიანის უფლებათა დამცველი ორგანიზაციის მონაცემებით, უსაფრთხოების ძალებმა ათეულობით დემონსტრანტი დააკავეს, რომელთა შორის 28 მედიის წარმომადგენელიც არის.

გასულ კვირას, საპროტესტო აქციებს გამოეხმაურა ირანის პრეზიდენტი და განაცხადა, რომ თეირანმა უნდა იმოქმედოს გადამწყვეტად მათ წინააღმდეგ, ვინც ეწინააღმდეგება ქვეყნის უსაფრთხოებას და სიმშვიდეს.

პრეზიდენტმა ხაზი გაუსვა, რომ აუცილებელია მოხდეს პროტესტის, საზოგადოებრივი წესრიგისა და უსაფრთხოების დარღვევების ერთმანეთისგან გამიჯვნა.

მანამდე ირანის რამდენიმე ქალაქში 23 სექტემბერს ანტისამთავრობო საპროტესტო გამოსვლების წინააღმდეგ სახელმწიფოს მიერ ორგანიზებული დემონსტრაციები დაიწყო.

ხელისუფლების მიერ ორგანიზებული დემონსტრაციის მონაწილეები საპროტესტო აქციების მონაწილეთა სიკვდილით დასჯას ითხოვენ.

ასევე დაგაინტერესებთ:

📍ირანში მთავრობის მომხრეები, აქციის მონაწილეების სიკვდილით დასჯას ითხოვენ