მსოფლიოში ფრინველის გრიპის ახალი შტამი სწრაფად ვრცელდება

ევროპასა და აზიის რამდენიმე ქვეყანაში ფრინველის გრიპის აფეთქებაა, - წერს  „სიენენი“.

გავრცელების გეოგრაფიული რეგიონები სულ უფრო იზრდება და ამ ეტაპზე, ფრინველის გრიპი H5N8 დაფიქსირებულია 46 ქვეყანაში.

ჩინეთში 2021 წელს ფრინველის გრიპის H5N6 ქვეტიპით 21 ადამიანი დაინფიცირდა. გასულ წელს ინფიცირების ხუთი შემთხვევა გამოვლინდა. მიუხედავად იმისა, რომ რიცხვი გაცილებით დაბალია, ვიდრე 2017 წელს H7N9-ით ინფიცირებულთა რაოდენობა, ინფექციები სერიოზულია - ბევრი პაციენტი კრიტიკულ მდგომარეობაშია, სულ მცირე ექვსი ადამიანი გარდაიცვალა.

ჯანდაცვის მსოფლიო ორგანიზაციის ცნობით, ინფიცირებულთა უმეტესობას შინაურ ფრინველთან ჰქონდა შეხება და ვირუსის ადამიანიდან ადამიანზე გადაცემის დადასტურებული შემთხვევები ჯერ არ არსებობს.

გამოცემა წერს, რომ მეფრინველეობის ინდუსტრიას სხვადასხვა აფეთქების დროს მილიონობით ზარალი მიადგა. 

H5N8 ძლიერ პათოგენური ფრინველის გრიპის ვირუსის (HPAIV) ქვეტიპია, რომელიც ათწლეულების წინ აღმოაჩინეს, მაგრამ 2020 წელს მსოფლიოს მრავალ ქვეყანაში დაფიქსირდა მისი გავრცელება ფრინველთა პოპულაციებში, რასაც მილიონობით ფრინველის დახოცვა ან განადგურება მოჰყვა.

მეცნიერებმა დაასკვნეს, რომ ფრინველის გრიპის ვირუსი ძირითადად გარეულ გადამფრენ ფრინველებს გადააქვთ.

მოამზადა ელენე ფერაძემ

აგრეთვე დაგაინტერესებთ:

📍 "ფაიზერი" კოვიდ 9-ის სამკურნალო აბების ლიცენზიას გაეროს მიერ მხარდაჭერილ სხვა მწარმოებლებსაც აძლევს

📍 სომხეთ-აზერბაიჯანის საზღვარზე სროლის შედეგად არიან დაჭრილები - 12 სომეხი სამხედრო ტყვედ ჩავარდა