ვიდეო - კოსოვოს საზღვართან შეტაკებები დაიწყო - სერბეთის არმიას რამდენიმე დაჭრილი სამხედრო უკვე ჰყავს

კოსოვოს საზღვართან შეტაკებები დაიწყო. კოსოვოს თითქმის ყველა რეგიონში განგაშის სირენების ხმა ისმის, მათი დროით 17:40-დან ამ დრომდე.  სერბეთის პროგრესული პარტიის ლიდერმა, ვლადიმერ ჯუკანოვიჩმა განაცხადა, რომ საჭიროა "ბალკანეთის დენაციფიკაცია”.

"კოსოვოს ჩრდილოეთი, რომელიც სერბული მოსახლეობითაა დასახლებული კოსოვოს დამოუკიდებლად გამოცხადების შემდგომ კოსოვოს ხელისუფლებას უწევს წინააღმდეგობას. მეორეს მხრივ, სერბეთი კოსოვოს წარმონაქმნს როგორც დამოუკიდებელ სახელმწიფოდ არ აღიარებს (არც საქართველო). ჩრდილოეთ კოსოვოს ირგვლივ დაძაბულობა ბელგრადსა და პრიშტინას შორის დიდი ხანია არსებობს. მაგრამ ბოლო თვეებია დაძაბულობა მზარდია. პერიოდულად, ჩრდილოეთში მცხოვრები ადგილობრივი სერბები და კოსოვოელი ძალოვნები შეტაკებებს აწყობენ ერთმანეთში.
ამ ფონზე სერბეთთან დამაკავშირებელი გზები კოსოვოელმა სამხედროებმა ჩაკეტეს, რასაც დაძაბულობის კიდევ უფრო ზრდა მოჰყვა. მეტიც, ბოლო დღეების განმავლობაში სიტუაცია იმდენად მძიმე იყო, რომ კოსოვო და სერბეთი ერთმანეთს დივერსიული ჯგუფების გამოყენების შესახებ სდებდა ბრალს.
რამდენიმე საათის წინ კოსოვო-სერბეთის საზღვრისა და გამშვები პუნქტების ყველა პერიმეტრზე ინტენსიური სროლა და შეტაკება მიმდინარეობს.
სერბეთი, რომელიც კოსოვოს თავის ნაწილად მიიჩნევს ძალის გამოყენებას საკუთარი მოქალაქეების დაცვის მოტივით არ გამორიცხავს. თუმცა აქ საინტერესო ისაა, რომ სერბეთი რუსეთის მოკავშირეა და ნებისმიერი დაძაბულობა თუ შეტაკება კოსოვოში დასავლეთის ფოკუსს უკრაინიდან ბალკანეთისაკენ შეცვლის.
მიუხედავად იმისა, რომ რთული საპროგნოზირებადია თუ როგორ განვითარდება მოვლენები (და საერთოდ განვითარდება თუ ამჯერად ლოკალური სამხედრო ინციდენტით შემოიფარგლება ეს ყველაფერი), მაინც, გლობალურად საერთაშორისო წესრიგი უფრო და უფრო მილიტარისტული ხდება,-წერს, გიორგი კობერიძე.

ასევე დაგაინტერესებთ:

🔵 ვიდეო - ფიზიკური დაპირისპირება ბათუმში, გლოვის დღეს მუსიკის ჩართვის გამო

🔵ორი წელი სიმსივნის დიაგნოზის დასმიდან და სრული განკურნებიდან! - აშშ-ში მცხოვრები ქართველი ჟურნალისტი რუსუდან წერეთელი