ახალი წელი ჯერ არ დამდგარა და პიროტექნიკით უკვე რამდენიმე ათეული შემთხვევაა დამწვრობის ცენტრში - გუგა ქაშიბაძე

ახალ წლამდე ერთი დღით ადრე, უკვე დაფიქსირდა დაზიანების ათეულობით შემთხვევა, - ამის შესახებ დამ­წვრო­ბის ცენ­ტრის ხელ­მძღვა­ნელ​მა, გუგა ქაშიბაძემ განაცხადა.

ექიმი მოუწოდებს მოსახლეობას, რომ უარი თქვან პიროტექნიკის გამოყენებაზე.

„მიუხედავად იმისა, რომ ახალი წელი ჯერ არ დამდგარა, უკვე რამდენიმე ათეული შემთხვევა დაფიქსირდა დამწვრობის ცენტრში. საბედნიეროდ, ფოიერვერკებით და მაშხალებით დაზიანების მძიმე შემთხვევები არ გამოვლენილა, წლიდან წლამდე მატულობს ასეთი დაზიანებები, ექიმისთვის გულდასაწყვეტია ისეთ ტრავმასთან მუშაობა, რომლის თავიდან აცილება თავისუფლად შეიძლებოდა, მით უმეტეს, ამ შემთხვევების ნახევარი მოდის ბავშვებზე. სტატისტიკა მხოლოდ დამწვრობის არაა, ბუნებრივია, ძალიან ხშირია ნაკვეთი ჭრილობები, თითების ამპუტაცია, თვალების დაზიანება. მე ვფიქრობ, ყოველგვარი მაშხალების და ფოიერვერკების აფეთქების გარეშეც მოვა ახალი წელი. დროა, ბოდიში და სულელურ ტრადიციაზე უარი ვთქვათ", - თქვა გუგა ქაშიბაძემ. 

ცნობისთვის, საკანონმდებლო რეგულაციების და აკრძალვების მიუხედავად, პროდუქცია ისევ შეუზღუდავად იყიდება, მათ შორის ისეთ ადგილებშიც, სადაც მათი რეალიზაცია კანონით აკრძალულია.

პიროტექნიკის შეძენა მცირეწლოვან ბავშვებსაც შეუძლიათ, რაც საკმაოდ სახიფათოა. ყოველწლიურად პიროტექნიკით დაზიანებული რამდენიმე ადამიანი ხვდება დამწვრობის ცენტრში.

მხოლოდ 2021 წელს, საახალწლო დღეებში, საქართველოში  პიროტექნიკით დაშავებულ 36 ადამიანს ჰოსპიტალიზაცია დასჭირდა. 31 დეკემბრიდან 1 იანვრის ჩათვლით კი სასწრაფო დახმარება 51-ჯერ გამოიძახეს. 

ასევე საინტერესოა:

🔵 საშიში პიროტექნიკა - ყველაფერი რაც მისი შეძენის და გამოყენების დროს უნდა იცოდეთ!

🔵  თბილისის ზოოპარკი: 31-ში საღამოს ცხოველებს დამამშვიდებელ პრეპარატებს აძლევენ, გულით გთხოვთ, თავი შეიკავოთ ფოიერვერკებისა სროლისგან და არ გამოუშვათ მაშხალები ზოოპარკის მიმართულებით