არჩილ გორდულაძე: კოლექტიური ჯო უილსონები, ძალიან კარგად ვიცით ებრძვიან არა „ქართულ ოცნებას“, არამედ ებრძვიან თავისუფალ სიტყვას ჩვენს ქვეყანაში

„კოლექტიური ჯო უილსონები, ძალიან კარგად ვიცით ებრძვიან არა „ქართულ ოცნებას“, არამედ ებრძვიან თავისუფალ სიტყვას ჩვენს ქვეყანაში“, - ამის შესახებ პარლამენტის იურიდიულ საკითხთა კომიტეტის თავმჯდომარემ არჩილ გორდულაძემ განაცხადა.

მისი თქმით, კოლექტიური ჯო უილსონებს უნდათ, საქართველოში რევოლუცია მოხდეს.

„ადამიანები, რომლებიც პირდაპირ მართლები არიან და მხოლოდ იმას აკეთებენ, Deep state-ს ხელის შეუწყონ, რათა ჩვენს ქვეყანაში მათი აგენტურა როგორმე მოვიდეს ხელისუფლებაში.

კოლექტიური ჯო უილსონები ძალიან კარგად ვიცით,ებრძვიან არა „ქართულ ოცნებას“, არამედ ებრძვიან თავისუფალ სიტყვას ჩვენს ქვეყანაში, დემოკრატიას და დემოკრატიულ საფუძვლებს. მათ არ უნდათ, რომ სიმართლე ისმოდეს ჩვენს ქვეყანაში და მხოლოდ მწამებელი რეჟიმის წარმომადგენლები და აგენტურა იყოს ხელისუფლებაში მოსული. რა თქმა უნდა, მათ აქვთ ხოლმე წამოცდენები.

კიდევ ერთხელ, ეს ხაზს უსვამს, რომ „ქართული ოცნების“ წევრები ყოველთვის ვამბობთ სიმართლეს, რომ ჩვენი ქვეყნის მიმართ არსებობს მავნებლური დამოკიდებულება და მისწრაფებები, რათა ჩვენს ქვეყანაში მოხდეს რევოლუცია, რომელსაც მოჰყვება „ნაცმოძრაობის“ ხელისუფლებაში მოსვლა, იმ ადამიანებისა, რომლებიც სხვის დაკრულზე იცეკვებენ“, - აღნიშნავს გორდულაძე.