"ბიძგების გამო შეწყდა სამაშველო სამუშაოები იმ კორპუსში, სადაც თვითონ არის, თუ ვინმე ახლოს ხართ შემეხმიანეთ" - მიწისძვრის ეპიცენტრში კიდევ ერთ ქართველს ეძებს ოჯახი

თურქეთში, უმძიმესი მიწისძვრის ეპიცენტრში, კიდევ ერთ ქართველ ემიგრანტ ქალს ეძებენ.

როგორც ნინო პაკელიანმა "ექსკლუზივ ტვ"-ის უთხრა, მამიდამისი სისო პაკელიანი ამ დრომდე კავშირზე არ გამოსულა. ემიგრანტი ქალი ქალაქ გაზიანტებში ცხოვრობდა და მუშაობდა.

"ბოლო ინფორმაციით ბიძგების გამო შეწყდა სამაშველო სამუშაოები იმ კორპუსში, სადაც თვითონ არის.

მაშველები, ვერ ახერხებენ შესვლას.

გუშინ ხმები ისმოდა და წუხელ შეაჩერეს მუშაობა და დღეს განაგრძეს, წუხელ რომ გაგრძელებულიყო სამაშველო სამუშაოები შეძლებდნენ ცოცხლების გამოყვანას", - ამბობს ნინო პაკელიანი.

მისივე ინფორმაციით, თურქეთში საქართველოს საელჩო საქმის კურსშია, თუმცა სხვა დამატებითი დეტალები ამ დრომდე არ გავრცელებულა ქალაქიდან, რომელიც სტიქიის ზონაში მდებარეობს.

ნინო პაკელიანი საზოგადოებას დახმარებისთვის მიმართავს.

"ძალიან გთხოვთ, თუ ვინმე ახლოს ხართ, ან რამით შეგიძლიათ დახმარება შემეხმიანეთ", - ამბობს ემიგრანტი ქალის ძმისშვილი.

ამ დროისთვის არსებული მონაცემებით, თურქეთში მიწისძვრისას დაშავებულთა რაოდენობა ქვეყნის ათ პროვინციაში 21 103-ს შეადგენს. ამ ეტაპზე თავშესაფარშია გადაყვანილი 380 500-მდე დაზარალებული.

ასევე დაგაინტერესებთ:

* "ჩემო თურქო მეგობრებო, მთელი გულით გისამძიმრებთ! ძნელია, სიტყვებით გადმოსცე ის დიდი ტრაგედია" - კახა კალაძე