დავით ქანთარია: როლანდ ახალაიამ გაშვების წინა ღამეს, სოსო ჭანტურიას დაუმატა სასჯელი, წაუკითხეს ახალი ბრალი, დაუმატეს ორი წელიწადი, იმ ღამესვე გული გაუსკდა - მორგში სოსოს სხეული გამოტენეს ნახერხით და შიგნით კუნძი ჩაუდეს

2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების, 2003 წლიდან დღემდე, საქმიანობის შემსწავლელი საქართველოს პარლამენტის დროებითი საგამოძიებო კომისიის სხდომაზე, სადაც წამება, არაადამიანური მოპყრობა და უფლებების უხეში შელახვის სხვა ფაქტები განიხილება „ნაცმოძრაობის“ რეჟიმის მიერ დაზარალებული დავით ქანთარიამ ისაუბრა.

დავით ქანთარიას თქმით, როლანდ ახალაიას დავალებით, სოსო ჭანტურიას გაშვების წინა ღამეს სასჯელი დაუმატეს, რის შედეგადაც მას გული გაუსკდა და გარდაიცვალა.

„როლანდ ახალაიამ დაიჭირა სოსო ჭანტურია, აბაშის ყოფილი გამგებელი, ყოფილი პარლამენტარი, სოსო ჭანტურია გარდაიცვალა ციხეში. რატომ?! - როლანდ ახალაიამ გაშვების წინა ღამეს, უნდა გამოსულიყო სოსო, დაუმატა სასჯელი. მანამდე სოსო გულის შეტევით გადაიყვანეს, რამდენიმე თვეზე მეტი იწვა საავადმყოფოში. შემდეგ დააბრუნეს ციხეში, სოსო გამწარებით იხვეწებოდა კამერაში, წამიყვანეთ აი აქ ნუ მომკლავთო. საავადმყოფოდან ძლივს გამოიყვანეს დასჭირდა შუნტირება . დააბრუნეს ციხეზე, გადაიყვანეს ზონაში და უნდა გავიდეს ხვალ, დღეს წაუკითხეს ახალი ბრალი და დაუმატეს ორი წელიწადი, იმ ღამესვე გული გაუსკდა და გარდაიცვალა.

სოსო გაასვენეს „რეზბალნიცის“ მორგიდან. დღემდე ჩამესმის ყურში, გასვენების დღე რომ იყო, პატიმრის რამდენჯერმე იყო ზარის დარეკა. სოსოს სხეული გამოტენეს ნახერხით და შიგნით კუნძი ჩაუდეს, სულხან მოლაშვილმა და დათო მირცხულავამ არ დაუშვეს ეს, გააპატიოსნეს მიცვალებული და გამოუშვეს აბაშაში“, - განაცხადა დავით ქანთარიამ.