მამუკა მდინარაძე პოლოლიკაშვილზე: უკადრებელი იკადრა და ჩვენი გადაწყვეტილება რომ იყო სწორი, მისივე პირველივე სიტყვებიდან გამოჩნდა

„უკადრებელი იკადრა და ჩვენი გადაწყვეტილება რომ იყო სწორი, მისი პირველივე სიტყვებიდან გამოჩნდა“, - ამის შესახებ „ქართული ოცნების“ აღმასრულებელმა მდივანმა მამუკა მდინარაძემ ზურაბ პოლოლიკაშვილთან დაკავშირებით განაცხადა.

მისივე თქმით, პოლოლიკაშვილმა ყოველგვარი წითელი ხაზი გადაკვეთა. „როცა აქეთ-იქით რეკავ და ათას ახლობელს ცდილობ გამოძებნო, ხვეწნით და მუდარით, შემთხვევით არ ვამბობ, ხვეწნით და მუდარით, მდინარაძესთან, კობახიძესთან, კალაძესთან და ა.შ. აღარ გავაგრძელებ და იხვეწები, რომ იქნებ, რამენაირად შევცვალოთ გადაწყვეტილება და ა.შ. და როდესაც დარწმუნდები, რომ ეს გადაწყვეტილება არ შეიცვლება, შემდეგ ასეთ რაღაცას კადრულობ, მის პიროვნულ თვისებებზე, ვინ ვინ არის და რას იმსახურებს ალბათ, აქედან უნდა ვიმსჯელოთ. ეს ერთი. არ მინდოდა ამ თემას შევხებოდი, მაგრამ უკადრებელი იკადრა და ყოველგვარი წითელი ხაზი გადაკვეთა“, - განაცხადა მამუკა მდინარაძემ.

მანვე აღნიშნა, რომ ეს არის ადამიანი, რომელიც საქართველოს კი არა, არამედ მისი პატრონების ინტერესებს წარმოადგენს და პოლოლიკაშვილი იქნება თუ თავის პატრონებს დაქვემდებარებული სხვა ადამიანი, უნდა იცოდეს, რომ თუ საქართველოს არ მოემსახურებიან, მაშინ საქართველო მათ კანდიდატურას მხარს არ დაუჭერს.

„ეს არის ადამიანი, რომელიც საქართველოს კი აღარ წარმოადგენს სამწუხაროდ, თავის დროზე იყო კონსულტაციები გარკვეულ პარტნიორებთან და არ გაგიკვირდებათ, თუ ჩვენ ბევრი გადაწყვეტილება გარკვეული კონსენსუსების და კომპრომისების საფუძველზე მიგვიღია, მაგრამ ამ დეტალებში აღარ შევალ. დაგიდასტურებთ იმას, რომ იყო თავის დროზე პარტნიორებთან გარკვეული კონსულტაციები, რჩევები მათი ასე ვთქვათ ბრჭყალებში, მის გარეშე რბილად და ბუნებრივია, ჩვენ ყველას გვიხარია და გვიხაროდა, როდესაც სხვადასხვა უმაღლეს თანამდებობებზე ჩვენი ქვეყნის წარმომადგენლები, ქართველები არიან ხოლმე.

მაგრამ როდესაც ის საქართველოს კი აღარ წარმოადგენს, წარმოადგენს თავის პატრონებს, ახლა რომ გული წყდება, პრემიერს ურეკავდა და არ იღებდა, ჩვენც ძალიან გული გვწყდება, ჩვენ კი არა მთელ საქართველოს, როდესაც საქართველოს სჭირდება პარტნიორებთან ამ გაურკვეველ ურთიერთობებში მისი როლი, მისი სტატუსი, მისი ჩართულობა და იქით არის სახვეწარი ამ დროს, მაშინ უნდა მიხვდეს და წითელი ხაზიაო რომ ურეკავენ საქართველოდან, თავის დროზე, თვეებით ადრე სხვადასხვა თემებზე და მაინც, ბოდიში ძალიან დიდი და „ფეხებზე იკიდებს“, მაშინ უნდა იფიქროს, რომ სახვეწნელად გაუხდება საქმე და მერე ამ ხვეწნა-მუდარას, ამ თავმოყვარეობის დაცემას არავინ შეხედავს სერიოზულად და შეაფასებს ისე, როგორც საჭიროა და შესაბამის გადაწყვეტილებას მიიღებს. ამიტომ ეს პოლოლიკაშვილი იქნება თუ თავის პატრონებს დაქვემდებარებული ადამიანი, ამას შემთხვევით არ ვიძახი, უნდა იცოდეს, რომ თუ საქართველოს არ მოემსახურებიან, მაშინ საქართველო მათ კანდიდატურას არც მხარს დაუჭერს, პირიქით დაბლოკავს“, - აღნიშნა მამუკა მდინარაძემ.

მან, ასევე, აღნიშნა, რომ მთავრობის გადაწყვეტილებას ფორმალური მხარეც ჰქონდა, რადგან პოლოლიკაშვილის გაეროს მსოფლიო ტურიზმის ორგანიზაციის გენერალური მდივნის თანამდებობაზე მესამე ვადით არჩევასთან დაკავშირებით, ფორმალური პრეტენზიები საქართველოს მეგობარ ევროპულ ქვეყნებსაც ჰქონდათ.

„აქ ფორმალური მხარეც იყო, მესამე შემთხვევაზე გარკვეული პრეტენზიები იმ ჩვენ ევროპულ მეგობარ ქვეყნებსაც ჰქონდათ, რომლებსაც ასეთი პრეცედენტის დაშვება არ უნდოდათ, მისი შანსები ისედაც ნაკლები იყო და ამ 1%-იანი შანსის გულისთვის ის კადრულობს უკადრებელს. და კიდევ ერთხელ გავიმეორებ, ნებისმიერი ადამიანი, რომელიც ჩვენ გვიხარია იმიტომ, რომ ის არის ქართველი, ის არის საქართველოს მოქალაქე, სხვადასხვა პოზიციებზე არის ძალიან კარგი, ოღონდ იმ შემთხვევაში თუ ის წარმოადგენს საქართველოს და მის ხელისუფლებას და როდესაც პარტნიორებთან ურთიერთობაში გჭირდება, მაშინ რომ ქრება და მაშინ ჩნდება, ზარებით იკლებს ყველას და ყველაფერს და მათ შორის პრემიერ-მინისტრს, როდესაც მას სჭირდება პერსონალურად და მის პატრონებს სჭირდება და როგორ დაეპატრონნენ, თავის დროზე ეს უკვე ასე იყო და თავიდან თამაშობდა თუ მერე დაიწყო თამაში, ამაზე თვითონ გასცეს პასუხები“, - განაცხადა მამუკა მდინარაძემ. 

მასალის გამოყენების პირობები


მთავარი სიახლეები




სხვა სიახლეები

1747319671

ახალი ამბები

გურამ მაჭარაშვილი: კუბილიუსმა უკრაინაში მშვიდობა ნიშნავს იმას, რომ რუსეთი 2030 წელს ახალი ომისთვის მოემზადებაო - მეტი როგორ თქვას, რომ უკრაინაში ომი აწყობთ?

„ხალხის ძალის“ აღმასრულებელმა მდივანმა გურამ მაჭარაშვილმა მედიასთან რუსეთ-უკრაინის ომის შესახებ ისაუბრა და კიდევ ერთხელ განმარტა, თუ რატომ სურდა „დიფ სთეითს“ საქართველოში მეორე ფრონტის გახსნა. გურამ მ...

პარლამენტის დეპუტატი

1747316837

საზოგადოება

„არ მოგერიდოს, გამომიყენე რამეში“ - მამუკა მდინარაძე 2020 წლის მარტში ჯო უილსონის მიერ ირაკლი კობახიძის სახელზე გაგზავნილ წერილს ასაჯაროებს

2020 წლის მარტში ამერიკელი კონგრესმენის ჯო ვილსონის მიერ ირაკლი კობახიძის სახელზე გაგზავნილ წერილს, „ქართული ოცნების“ აღმასრულებელი მდივანი სოციალურ ქსელში ასაჯაროებს. წერილში უილსონი კობახიძეს პატივი...

 ჯო უილსონი

1747314996

ახალი ამბები

რა ღირს ევრო და დოლარი - ვალუტის კურსი

საქართველოს ეროვნულმა ბანკმა ვალუტის ახალი კურსი დაადგინა. 15 მაისის ვაჭრობის შედეგად, აშშ დოლარი გაუფასურდა და 2.7425 ლარი გახდა. კურსი, რომელიც დღეს მოქმედებდა 2.7436 ლარი იყო. გაუფასურდა ევრო, რომლ...

 ვალუტის კურსი

1747313889

ახალი ამბები

დავით ჩიხელიძე: დიპლომატების დიდი ნაწილი, დღეს ოპოზიციის მსგავსად იქცევა და საერთაშორისო ნორმებს უხეშად არღვევს, მათთვის მიუღებელი საქართველოს წინსვლა და წარმატება, რაც აშკარად, რევოლუციური მზადების ნაწილია

ექსპერტი დავით ჩიხელიძე ზაზა შათირიშვილის წერილში გამოთქმულ მოსაზრებებს ეხმაურება და ყურადღებას ამახვილებს დიპლომატიური კორპუსის მოქმედებაზე საქართველოში. მისი თქმით, დიპლომატთა ნაწილის ქმედებები არა...

დავით ჩიხელიძე

1747313572

საზოგადოება

„ნაცმოძრაობის“ რეჟიმის მიერ დაზარალებული ბესარიონ ხვინთელიანი: გიორგი მშვენიერაძე ორჯერ შემოვიდა ჩემთან, ჩემს ოჯახს ის არ ჰყავდა აყვანილი როგორც ადვოკატი - მისი სათქმელი იყო საპროცესო გარიგება, ქონებების დათმობა და 5 მილიონი დოლარი

ორჯერ შემოვიდა ჩემთან [გიორგი მშვენიერაძე], ჩემს ოჯახს ის არ ჰყავდა აყვანილი როგორც ადვოკატი, ჩემთან მისი შემოსვლა ერთხელ ან ორჯერ მოხდა. ჩემი ოჯახის არჩევანი ის არ ყოფილა, - განაცხადა „ნაციონალური მო...

ბესარიონ ხვინთელიან