ირაკლი ზარქუა შვედეთის მთავრობის განცხადებაზე: ეს არის ლუსტრირება თუ როგორები არ უნდა იყვნენ ევროპული სახელმწიფოს ლიდერები და წარმომადგენლები

მმართველი გუნდის წევრის ირაკლი ზარქუას განცხადებით, შვედეთის განცხადებები და ქმედებები საქართველოსთან მიმართებით „ეს არის ლუსტრირება თუ როგორები არ უნდა იყვნენ ევროპული სახელმწიფოს ლიდერები და წარმომადგენლები“.

მისი თქმით, მთელი რიგი ევროპული სახელმწიფოების ბიუროკრატიას, აგენტურას, რომელიც იქ არის ჩაბუდებული და „დიფ სთეითს“ ემსახურება, საქართველოში „მაიდნის“ მოწყობა სურს.

„შვედეთის პრემიერ-მინისტრი მთავრობას კი არა გარკვეულ ჯგუფებს რომ ეხმარება, ეს არახალია, რადგან აქ რევოლუცია, „მაიდანი“ უნდათ განახორციელონ. მთელი რიგი ევროპული სახელმწიფოების ბიუროკრატიას, აგენტურას, რომელიც იქ არის ჩაბუდებული და „დიფ სთეითს“ ემსახურება, უნდა, რომ დააფინანსონ აქ ეს ხელმოცარულები, პარტიები და ენჯეოშნიკები, რათა შემდეგ ამათ შეუტიონ. ეს არის ლუსტრირება თუ როგორები არ უნდა იყვნენ ევროპული სახელმწიფოს ლიდერები და წარმომადგენლები“, - აღნიშნა ზარქუამ.

ცნობისთვის, შვედეთის მთავრობა გეგმავს რეგულაციების შემუშავებას, რომლებიც იმ ორგანიზაციებს, რომლებიც ანტიდემოკრატიული მიზნებით საქმიანობენ, უცხოურ დაფინანსებას აუკრძალავს. მანამდე, შვედეთის წარმომადგენლებმა, საქართველოში მიღებული ამერიკული „ფარას“ ანალოგი გააკრიტიკეს.