ლევან მაჭავარიანი: მოლდოვაში, არ არსებობს ოპოზიციური პარტიები, ყველა კრიტერიუმით, ჩვენ ვართ გაცილებით წინ, ვიდრე მოლდოვა, ეს ყველაფერი ორმაგ და ასმაგ სტანდარტზე პირდაპირ მეტყველებს

„მოლდოვაში, ფაქტობრივად, არ არსებობს ოპოზიციური პარტიები. ყველა კრიტერიუმით, ჩვენ ვართ გაცილებით წინ, ვიდრე მოლდოვა, იგივე კორუფციის სიმცირით. ეს ყველაფერი ორმაგ და ასმაგ სტანდარტზე პირდაპირ მეტყველებს“, - ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა განაცხადა.

ლევან მაჭავარიანმა კანდიდატის სტატუსის საკითხი გაიხსენა და აღნიშნა, რომ ევროკავშირის მიერვე გამოქვეყნებული ყველა კრიტერიუმის მიხედვით, საქართველო უსწრებდა მოლდოვას.

„ჩვენ შეგვიძლია გავიხსენოთ, იგივე კანდიდატის სტატუსის საკითხი, როდესაც მოლდოვას მიანიჭეს და ჩვენ დაგვჩაგრეს. მაშინ უკვე ყველაფერი შავით თეთრზე იყო დაწერილი, თუ რამხელა უსამართლობასთან გვქონდა საქმე, როდესაც ევროკავშირის მიერვე გამოქვეყნებული ყველა კრიტერიუმის მიხედვით, ჩვენ ვუსწრებდით მოლდოვას.

შეგახსენებთ, მოლდოვა არის დსთ-ს წევრი ქვეყანა. მოლდოვაში, ფაქტობრივად, არ არსებობს ოპოზიციური მედია საშუალება, არ არსებობს ოპოზიციური პარტიები და ა.შ.

ყველა კრიტერიუმით, ჩვენ ვართ გაცილებით წინ, ვიდრე მოლდოვა, იგივე კორუფციის სიმცირით. ფაქტობრივად, იხრჩობა ქვეყანა კორუფციაში და ა.შ. როდესაც ასეთი განსხვავებული დამოკიდებულება არის, რა თქმა უნდა, ეს ყველაფერი ორმაგ და ასმაგ სტანდარტზე პირდაპირ მეტყველებს და მიუთითებს“, - აღნიშნავს ფრაქცია „ქართული ოცნების“ თავმჯდომარის მოადგილე.