ლევან მახაშვილი: ხელისუფლება დღენიადაგ ამტკიცებს, რომ მისი ერთ-ერთი მთავარი პრიორიტეტი არის კორუფციასთან ბრძოლა განურჩევლად სახელებისა, პოლიტიკური კუთვნილებისა, თუ პოზიციებისა

როდესაც ჩვენ მთავრობას ვირჩევდით, მთავრობის ხელმძღვანელის განცხადება, რომ მისი პრიორიტეტი, უმთავრესი საკითხი და საზრუნავი იქნებოდა კორუფციასთან ბრძოლა, ბევრმა შეიძლება ღიმილით მიიღო, ან საერთოდ არ მიიღო სერიოზულად, - განაცხადა ევროპასთან ინტეგრაციის საპარლამენტო კომიტეტის თავმჯდომარემ ლევან მახაშვილმა კორუფციასთან ბრძოლაზე საუბრისას.

მისი თქმით, ხელისუფლება დღენიადაგ ამტკიცებს, რომ მისი ერთ-ერთი მთავარი პრიორიტეტი, სახელების, პოლიტიკური კუთვნილების, თუ პოზიციის განურჩევლად, კორუფციის წინააღმდეგ ბრძოლაა.

„ხელისუფლება კიდევ ერთხელ ამტკიცებს დღენიადაგ, რომ მისი ერთ-ერთი მთავარი პრიორიტეტი არის კორუფციასთან ბრძოლა განურჩევლად სახელებისა, პოლიტიკური კუთვნილებისა, თუ პოზიციებისა იმიტომ, რომ კორუფცია არის სახელმწიფოსთვის და საზოგადოებისთვის არსებითი პრობლემა, ზოგადად. ამ პრობლემას, რა თქმა უნდა, სჭირდება ასევე სერიოზული მიდგომა და სერიოზული ბრძოლა. ეს კიდევ ერთი მაგალითია იმისა, რომ არა სიტყვებით, არამედ კონკრეტული საქმით ხელისუფლება ამტკიცებს იმას, რომ მისი მთავარი საზრუნავი სხვა საკითხებთან ერთად არის კორუფციასთან ბრძოლა და ეს სერიოზული დამოკიდებულება, როგორც სიტყვით, ასევე საქმით მომავალშიც გაგრძელდება“, - აღნიშნა ლევან მახაშვილმა.