პატივს მიაგებს ყველა, ვინც როგორ ჩათვლის, ალბათ, მივლენ პანაშვიდზე – ბექა დავითულიანი უკრაინაში დაღუპულ მებრძოლებზე

„მათი ჩამოსვენების ხარჯები გაიღო სახელმწიფომ და სახელმწიფომ გამოხატა პატივისცემა იმით, რომ სრულად უწევს ორგანიზებას მათ ღირსეულად გაცილებას ამ ქვეყნიდან“, – განაცხადა „ქართული ოცნების“ დეპუტატმა ბექა დავითულიანმა უკრაინაში დაღუპულ ქართველ მებრძოლებზე საუბრისას.

ჟურნალისტების მიერ დასმულ კითხვას კი, როგორ გამოხატავენ მთავრობის წევრები დაღუპული სამხედროების მიმართ, დეპუტატმა უპასუხა, რომ „პატივს მიაგებს ყველა, ვინც როგორ ჩათვლის“.

„ხვალ და ზეგ თბილისში არ ვარ, მაგრამ როცა ჩამოვა, პანაშვიდზე მივალ“- თქვა დავითულიანმა.

„პატივს მივაგებ და ვიზიარებ ამ ადამიანების ოჯახების მწუხარებას. მათი ჩამოსვენების ხარჯები გაიღო სახელმწიფომ და გამოხატა პატივისცემა იმით, რომ სრულად უწევს ორგანიზებას მათ ღირსეულად გაცილებას ამ ქვეყნიდან.

პატივს მიაგებს ყველა, ვინც როგორ ჩათვლის. მივლენ პანაშვიდზე, ალბათ და დაესწრებიან. მეც ხვალ და ზეგ თბილისში არ ვარ, მაგრამ როცა ჩამოვალ, აუცილებლად მივალ.“ – აღნიშნა ბექა დავითულიანმა.

უკრაინაში დაღუპული ქართველ მებრძოლები, გია ბერიაშვილი და დავით რატიანი სამშობლოში დღეს, დილის ჩამოასვენეს.

მებრძოლებს ოჯახის წევრებთან ერთად აეროპორტში მოქალაქეები დახვდნენ სანთლებით და დროშებით და მუხლმოდრეკით მიაგეს პატივი დაღუპულებს.

ადგილზე იმყოფებოდნენ სხვადასხვა ოპოზიციური პარტიის წარმომადგენლები და პოლიტიკოსები. დაღუპულებს პატივი აეროპორტთან პრეზიდენტმა სალომე ზურაბიშვილმაც მიაგო. ადგილზე ხელისუფლების სხვა წარმომადგენელი ან რომელიმე მინისტრი არ გამოჩენილა.

ასევე საინტერესოა:

🔵 სალომე ზურაბიშვილი თბილისის აეროპორტში უკრაინაში დაღუპული ქართველი მებრძოლების ჩამოსვენების ცერემონიას დაესწრო

🔵 უკრაინაში დაღუპული ქართველი მებრძოლების გიორგი ბერიაშვილის და დავით რატიანის ცხედრები საქართველოში ჩამოასვენეს