პოლ გრეინერი: ჩემი შთაბეჭდილებაა, რომ „ქართულ ოცნებასთან“ დაკავშირებული ადამიანები გონივრულად კონსტრუქციულები არიან, მაშინ როცა არასამთავრობო სექტორი და მომიტინგეები ზოგჯერ არაკეთილსინდისიერები ჩანდნენ

„შეიძლება თუ არა ეს ბოლოდროინდელი ქუჩის საპროტესტო აქციები და აჯანყებებიც კი ლეგიტიმური იყოს? არ ვიცი, მმართველი „ქართული ოცნების“ მთავრობის მიმართ გამოთქმული ბრალდებებისა და კრიტიკის რამდენი პროცენტია ვალიდური ან არასწორი. გასაკვირიც კი იქნებოდა, თუ სადმე რომელიმე მთავრობა, რაიმე დანაშაულის გარეშე აღმოჩნდება“, - ამის შესახებ სიმონ ვეილის პოლიტიკური ფილოსოფიის ცენტრის პრეზიდენტი პოლ გრეინერი, სტატიაში „მშვიდობა და „ქართული ოცნება“ წერს.

როგორც გრეინერის სტატიაში ვკითხულობთ, მას შთაბეჭდილება შეექმნა, რომ „ქართულ ოცნებასთან“ დაკავშირებული ადამიანები კონსტრუქციულები არიან მაშინ, როცა არასამთავრობოები მეტად მიდრეკილები არიან ნგრევისკენ და ზოგჯერ არაკეთილსინდისიერები ჩანდნენ.

გრეინერი აღნიშნავს იმასაც, რომ უკიდურესად არადამაჯერებელია არასამთავრობო სექტორის მტკიცება, თითქოს „ქართულმა ოცნებამ“ 2024 წლის არჩევნები ვერ მოიგო და მსგავსი მოსაზრება მხოლოდ მას შემდეგ გაჩნდა, რაც სახელმწიფო დასავლურ პოლიტიკურ პრეფერენციებს საგარეო საკითხებში უთანხმოება გაჩნდა.

„ჩემი შთაბეჭდილება, რა თქმა უნდა, მხოლოდ ამ ერთი მოგზაურობის შემდეგ იყო, რომ „ქართულ ოცნებასთან“ დაკავშირებული ადამიანები კეთილგონიერი და გონივრულად კონსტრუქციულები არიან, მაშინ როცა არასამთავრობო სექტორი და მომიტინგეები ზოგჯერ არაკეთილსინდისიერები ჩანდნენ და, ზოგადად, შესაძლოა, უფრო მეტად მიდრეკილნი იყვნენ ყველაფრის დანგრევისკენ, ვიდრე კონსტრუქციული კრეატიულობისკენ.

აქ ჩემს აზრს დადასტურებულ ფაქტად ვერ ჩამოვაყალიბებ და მაინც, მეჩვენება, რომ არასამთავრობო ორგანიზაციების მტკიცება, რომ „ქართულმა ოცნებამ“ გასული წლის არჩევნები ვერ მოიგო - რომ მათ მხოლოდ რაღაცნაირად მოტყუებით შეეძლოთ გამარჯვება, უკიდურესად არადამაჯერებელია. „ქართულმა ოცნებამ“ შეინარჩუნა პოპულარობა და 2012 წლიდან არაერთხელ მოიგო არჩევნები.

სანამ პარტიას დასავლურ საგარეო პოლიტიკურ პრეფერენციებთან უთანხმოება არ აღმოაჩნდა, მანამდე დასავლეთში არ არსებობდა მტკიცება, რომ ეს გამარჯვებები არალეგიტიმური იყო; ეს მხოლოდ მას შემდეგ მოხდა, როდესაც მათი მოსაზრებები გაიყო. უფრო მეტიც, ამ პერიოდის განმავლობაში საქართველო მუდმივად აფიქსირებდა დადებით ეკონომიკურ ზრდას. მსოფლიო ბანკის უახლესი სტატისტიკა, რომელიც მოვიძიე, 2023 წლისაა, სადაც მშპ-ს ზრდის ტემპი 6.7%-ს შეადგენდა.

რამდენადაც მე შემიძლია დავადგინო, 2024 წლის შესაბამისი მაჩვენებელი კიდევ უფრო მაღალი იყო. გარდა ამისა, როგორც ჩემმა რამდენიმე თანამოსაუბრემ თბილისიდან ხაზი გაუსვა, ძნელი მოსალოდნელი იყო, რომ გასულ წელს „ქართული ოცნება“ მოულოდნელად დაკარგავდა ამომრჩეველთა დიდ ნაწილს მხოლოდ იმიტომ, რომ ისინი მტკიცედ უარყოფდნენ კონფრონტაციულ პოლიტიკას, რამაც ომი და უკრაინის თითქმის სრული განადგურება გამოიწვია!“ - წერს გრეინერი.

სტატიაში აღნიშნულია ისიც, რომ ავტორს ირაციონალურად და ბავშვურადაც კი ეჩვენება ოპოზიციის რეფრენი „ეს პრორუსულია“.

გრეინერი წერს იმასაც, რომ აქვს საფუძველი იფიქროს, ოპოზიციური ენჯეოები არაკეთილსინდისიერად იქცოდნენ, როდესაც მათ მიერ გამართულ აქციებს აღწერდნენ, როგორც სრულიად მშვიდობიანს.

„ქართული ოცნების“ ერთმა პოლიტიკოსმა მითხრა, რომ მათი პარტიის პოლიტიკა არანაირად არ იყო ანტიამერიკული. პირიქით, ქართველები ზოგადად ძალიან პროამერიკულები არიან და ის განსაკუთრებით პროამერიკული. მან მითხრა, რომ ისინი მხოლოდ იმას ითხოვენ, რომ მათ მიეცეთ თავისუფლება, განსაზღვრონ თავიანთი ეკონომიკური და სავაჭრო პოლიტიკა ისე, რომ საუკეთესოდ ემსახურებოდეს ქართველების ინტერესებს. ეს რადიკალურ პოზიციად არ მეჩვენება, მაშინ როცა ოპოზიციის რეფრენი „მაგრამ ეს პრორუსულია!“ ირაციონალურად და ბავშვურად მეჩვენება.

გარდა ამისა, მე მქონდა საფუძველი მეფიქრა, რომ ოპოზიციური არასამთავრობო ორგანიზაციები არაკეთილსინდისიერები იყვნენ, როდესაც თავიანთ საპროტესტო აქციებს - რომლებიც 2024 წლის ბოლოს და 2025 წლის დასაწყისში გაიმართა - სრულიად მშვიდობიანად აღწერდნენ. ყოველ შემთხვევაში, ადგილობრივ თვითმხილველებთან საუბრებიდან მიღებული შთაბეჭდილება ის იყო, რომ საპროტესტო აქციები, პირიქით, ხშირად ძალადობრივი იყო“, - წერს პოლ გრეინერი.