სარფის საბაჟოს გადაკვეთის დროს თურქული მხარისთვის პისიარის და სწრაფი ტესტის წარდგენის ვალდებულება გაუქმდა

სარფის საბაჟოს გადაკვეთის დროს თურქული მხარისთვის პისიარის და სწრაფი ტესტის წარდგენა აღარ მოგიწევთ.

გადაწყვეტილება ამის შესახებ თურქულმა მხარემ მიიღო.

სპეციალური ჯიხური, სადაც საზღვრის კვეთის დროს პირს უნდა წარედგინა კოვიდ პასპორტი, ან  ბოლო 72 საათში ჩატარებული პისიარტესტის ან სწრაფი ტესტის პასუხი დაკეტილია.

თურქეთის მხარის ამ გადაწყვეტილების ამოქმედებამდე, საზღვრის კვეთისას სავალდებულო იყო შემდეგი დოკუმენტებიდან ერთ-ერთის წარდგენა:

კოვიდვაქცინის სრული კურსის ჩატარების დამადასტურებელი დოკუმენტი (ვაქცინის ბოლო დოზიდან გასული უნდა იყოს 14 დღე);

ბოლო 6 თვის განმავლობაში COVID19-ით ინფიცირების დამადასტურებელი დოკუმენტი (6 თვე აითვლება პირველი პოზიტიური PCR-ტესტის ჩატარების თარიღიდან 28 დღის შემდეგ);

გამგზავრებამდე უკანასკნელი 48 საათის განმავლობაში ჩატარებული სწრაფი ტესტი ან 72 საათის განმავლობაში ჩატარებული PCR-ტესტის უარყოფითი შედეგის დამადასტურებელი დოკუმენტი (სავალდებულოა 12 წლის ასაკიდან).

გადაწყვეტილება არ შეუცვლია ქართულ მხარეს და ქვეყანაში შემომსვლელებისთვის გარკვეული, თუმცა შემსუბუქებული რეგულაციები მოქმედებს.

საქართველოს მთავრობის გადაწყვეტილებით, 2022 წლის 1 მარტიდან საქართველოს მოქალაქეები  საქართველოში შემოდიან ტესტის საფუძველზე ან კოვიდპასპორტის შემთხვევაში. 

მიღებული გადაწყვეტილების შესაბამისად, სწრაფი ტესტის წარდგენის შემთხვევაში თვითიზოლაცია 5- დღემდე მცირდება. ხოლო თუ საქართველოს მოქალაქე ქვეყანაში შემოდის პსრ ტესტით, მას ეხსნება 72 საათში ტესტის განმეორებით გაკეთების ვალდებულება.

იზოლაცია არ ეხება კოვიდპასპორტის მქონე მოქალაქეებს.

ასევე საინტერესოა:

🔵 „რაც მსოფლიოში მოხდება, საქართველო მართლა გადაურჩება – გადაურჩება განადგურებას!“ - ლელა კაკულია

🔵 ქალი, რომელიც სამშობიაროს დაბომბვისაც დაშავდა გოგონა შეეძინა

🔵  „4 თვის ნიკო უნდა გადარჩეს! სასწრაფოდ აუცილებელია 5000 $-ის მობილიზება“, - ნანუკა ჟორჟოლიანი საზოგადოებას თანადგომისკენ მოუწოდებს