სროლა დიდ-დიღომში - შემთხვევას სამი მცირეწლოვანი შეესწრო

სროლა დიდ დიღომში - ავტომობილიდან მამაკაცმა ცეცხლი გახსნა.  გავრცელებული ინფორმაციით, შემთხვევა საღამოს საათებში მოხდა. სროლის მომენტში ადგილზე სამი არასრულწლოვანი იმყოფებოდა, რომლებიც ფეხით გადაადგილდებოდნენ.

მომხდარის მოტივი ჯერჯერობით უცნობია.  შინაგან საქმეთა სამინისტრომ შემთხვევის ადგილიდან სათვალთვალო კამერების ჩანაწერები უკვე ამოიღო.

თვითმხილველები ჰყვებიან, რომ სამი პიროვნება ერთ-ერთ ავტომობილს ქვების სროლით და სიტყვიერი შეურაცხყოფით მისდევდა, რის შემდეგაც აღნიშნული მანქანიდან ერთი ადამიანი გადმოვიდა და გაურკვეველი მიმართულებით სროლა დაიწყო.მათი თქმით, დამნაშავემ ადგილი პოლიციის მისვლამდე დატოვა.

შემთხვევის შედეგად არავინ დაშავებულა.

"სიჩქარით მოდიოდა მანქანა და უკნიდან აგრესიულად მოსდევდა ხალხი. შეურაცხყოფით, ქვის სროლით და რაღაცა. წინ შუშა ჰქონდა ჩამტვრეული, ამიტომ გზა ვეღარ გააგრძელა, გადმოვიდა მანქანიდან, ერთ-ერთი მათგანი ყვიროდა, რომ „მაგას არ მიუახლოვდეთ, იარაღი აქვსო“. სროლა განახორციელა, აქეთ მხარეს ერთი იდგა, ჯერ იმას ესროლა, მერე აქეთ ისროლა, ერთი ჩვენსკენ გამოიქცა და იმას ესროლა. მე ბავშვს გადავეფარე", - ჰყვება თვითმხილველი. 

ასევე დაგაინტერესებთ:

🔵"ვერავინ უშველის, უამრავი ადამიანი დაიღუპება რადგან..." – ნახეთ ლელა კაკულიამ შოკისმომგვრელი რამ იწინასწარმეტყველა  

🔵რუსთავში სკოლის მიმდებარე ტერიტორიიდან მოზარდი მოიტაცეს