თბილისში პოლიციელი დაჭრეს - დაკავებულია ბრალდებული

თბილისში პოლიციის თანამშრომელი დაჭრეს. შინაგან საქმეთა სამინისტროს ინფორმაციით, სამართალდამცველებმა მომხდარზე ერთი პირი დააკავეს.

შინაგან საქმეთა სამინისტროს თბილისის პოლიციის დეპარტამენტის ძველი თბილისის მთავარი სამმართველოს თანამშრომლებმა, ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, 1980 წელს დაბადებული ი.დ. ჯანმრთელობის განზრახ მძიმე დაზიანების და იარაღის უკანონო შეძენა-შენახვა-ტარების ბრალდებით, სადახლოს გამშვებ პუნქტთან დააკავეს, რა დროსაც ქვეყნის დატოვებას ცდილობდა.

დანაშაულები 4-იდან 7 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ბრალდებულმა თბილისში ურთიერთშელაპარაკების ნიადაგზე ცეცხლსასროლი იარაღიდან გასროლით დაჭრა 1990 წელს დაბადებული ლ.მ. რომელიც არის პოლიციის თანამშრომელი და შემთხვევის ადგილიდან მიიმალა. დაჭრილი პოლიციელი შემთხვევის დროს სამსახურებრივ მოვალეობას არ ასრულებდა, იგი მეგობრებთან ერთად იმყოფებოდა თბილისში, ტაბიძის ქუჩაზე.

ლ.მ. ამჟამად მოთავსებულია სამედიცინო დაწესებულებაში, სადაც შესაბამისი სამედიცინო დახმარება უტარდება, მის სიცოცხლეს და ჯანმრთელობას საფრთხე არ ემუქრება.

ჯანმრთელობის განზრახ მძიმე დაზიანებისა და ცეცხლსასროლი იარაღის მართლსაწინააღმდეგო შეძენა-შენახვა-ტარების ფაქტებზე გამოძიება სისხლის სამართლის კოდექსის 117-ე და 236-ე მუხლებით მიმდინარეობს“, - წერია განცხადებაში.

ასევე დაგაინტერესებთ:

🔵 როგორ შევაყვაროთ ბავშვს კითხვა - წიგნებთან თქვენი და თქვენი ბავშვის ერთად გატარებული დრო მას კითხვისგან კიდევ უფრო მეტ სიამოვნებას მიანიჭებს

🔵 დიდ დიღომში მომხდარი აფეთქებისას დაშავებული ბავშვი გარდაიცვალა

🔵 ახმეტის მუნიციპალიტეტში ძიუდოში ვარჯიშის დროს 16 წლის ბიჭი გარდაიცვალა