ქართველი ემიგრანტის თვითმკვლელობის ფაქტს, იტალიური პრესა ეხმაურება

ტრაგედია კათოლიკური შობის დამდეგს მოხდა. 39 წლის დათო ტურაშვილმა, რომელიც წლების განმავლობაში მეუღლესთან ერთად იტალიის სამხრეთში ცხოვრობდა, სიცოცხლე თვითმკვლელობით დაასრულა. 

მამაკაცმა, ლეჩეს პროვინცია, ნარდოს დასახლებაში თავი იმ ოჯახის საცხოვრებელი სახლის ეზოში მოიკლა, სადაც მომვლელად მუშაობდა.

საქმეს იტალიური პოლიცია იძიებს, იმის დასადგენად, თუ რამ მიიყვანა ახალგაზრდა მამაკაცი თვითმკვლელობამდე. ფაქტს, იტალიური პრესაც ეხმაურება.  წყარო.

ვერც ახლობლები და ვერც მეგობრები დათო ტურაშვილის ამ ნაბიჯს ვერ ხსნიან. როგორც ჩვენთან საუბრისას გარდაცვლილის მეგობარმა იმედა სანიკიძემ აღნიშნა, ის იყო საოცარი ადამიანი, რომელიც ყველას უყვარდა: "დათო იმდენად თბილი, კეთილი და მოსიყვარულე ადამიანი იყო, მეორე დღეა სიტყვებს თავს ვერ ვუყრი, არც კი ვიცი რა ვთქვა. უახლოესი მეგობრები ვიყავით. იტალიაში პატიოსანი შრომით გაჰქონდა თავი. არ ვიცი რა დაემართა და ეს ნაბიჯი რატომ გადადგა, გუშინ გავიგე რომ თავი მოუკლავს. ერთი პატიოსანი და წყნარი ბიჭი იყო. მის მომდურავს ვერავის ნახავთ აქ იმდენად კეთილი იყო და ყველას უყვარდა ლეჩეში. ვუსამძიმრებ მის ოჯახს. ახლა უნდა გავერთიანდეთ, ოჯახს ჩვენი დახმარება სჭირდება მისი საქართველოში გადასვენებისთვის," - ამბობს გარდაცვლილის მეგობარი.