"იმდენად მშიშარაა, რომ მძინარე მოკლა" - რა უთხრა კაროლაინის მამამ ჟურნალისტს

ქმრის მიერ მოკლული 20 წლის კაროლაინის მამამ, დევიდ კრაუჩმა,  ტელეკომპანია MEGA-ს ჟურნალისტთან მისი შვილიშვილის, პატარა ლიდიას ახალ, ყოველდღიურ ცხოვრებაზე და იმ გავრცელებულ ეჭვებზე ისაუბრა, რომლის მიხედვითაც, ბაბი ანაგნოსტოპულოსი, ნარკოტიკებთან დაკავშირებულ არალეგალურ საქმიანობას ეწეოდა.

როგორც ის აღნიშნავს, პატარა ლიდია ბებიასთან თავს კარგად და ბედნიერად  გრძნობს.  ერთადერთი კი, რაც მას  უნდა, არის შვილიშვილის მოვლა და გაზრდა შეძლოს ისე, რომ დედამისს დაემსგავსოს.

რაც შეეხება ბრიტანული მედიის მიერ გავრცელებულ ინფორმაციას, რომლის მიხედვითაც, სავარაუდოდ, ბაბი ანაგნოსტოპულოსი ნარკოტიკებით ვაჭრობის საქმეში იყო გარეული, რაც მისმა 20 წლის მეუღლემ გაიგო და სწორედ ეს გახდა მისი მკვლელობის მოტივი.

როგორც  დევიდ კრაუჩი ამბობს, მისი ქალიშვილი ძალიან ჭკვიანი და პატიოსანი გოგო იყო. ის არავითარ უკანონობას მხარს არ დაუჭერდა. რამე რომ სცოდნოდა, ამას აუცილებლად იტყოდა.

"იქნებ ამის გაკეთებასაც აპირებდა, თუმცა სამწუხაროდ, ის მაშინ მოკლეს, როდესაც მას ეძინა. იმდენად მშიშარაა, რომ მძინარე მოკლა. სანამ ადამიანს მოკლავდა, უსაფრთხოების კამერებიდან მეხსიერების ბარათები ამოიღო, რაც იმას ნიშნავს, რომ იცოდა რის გაკეთებასაც აპირებდა. იცდიდა როდის დაიძინებდა, შემდეგ კი მივიდა და მძინარე მოკლა“ - ამბობს კაროლაინის მამა. 

ნახეთ აგრეთვე 👇 

კაროლაინის და პილოტის 1 წლის შვილი უკვე დედის ოჯახში იმყოფება 

ვინ გაზრდის კაროლაინის და პილოტის პატარა ქალიშვილს - სასამართლოს გადაწყვეტილება ცნობილია

ციხის კედლებში ახალ ცხოვრებას მშვენივრად მოერგო - 32 წლის პილოტის პირველი ფოტო ციხიდან